File photo  
मुंबई

वर्सोवा समुद्र किनाऱ्यावर मासेमारीसाठी गेलेली बोट उलटली, दोन जण बेपत्ता तर एकाने पोहून किनारा गाठला

शनिवारी रात्री ८ ते ९ वाजेच्या सुमारास या दोघांसह अन्य एका व्यक्तीने वर्सोवा भागातील देवाजीवाडी येथून मासेमारी करण्यासाठी ही बोट समुद्रात सोडली होती

नवशक्ती Web Desk

मुंबईतील वर्सोवा किनाऱ्याजवळ अरबी समुद्रात बोट उलटल्याने दोन मच्छिमारांचा मृत्यू झाल्याची भीती अग्निशमन दलाच्या अधिकाऱ्यांनी रविवार रोजी व्यक्त केली आहे. शनिवारी रात्री ८ ते ९ वाजेच्या सुमारास या दोघांसह अन्य एका व्यक्तीने वर्सोवा भागातील देवाजीवाडी येथून मासेमारी करण्यासाठी ही बोट समुद्रात सोडली होती. या घटनेमुळे परिसरात एकच खळबळ उडाली आहे. हे तिघेजण काल संध्याकाळच्या सुमारास बोट घेऊन मासेमारी करण्यास गेले होते. परुंत पाण्याचा वेग जास्त असल्याने बोट उलटून तिघे बुडाले. दरम्यान. यांच्यातील एक व्यक्ती कसाबसा जीव वाचवात किनाऱ्यापर्यंत पोहचला.

स्थानिक नागरिकांना याबाबतची माहिती मिळताच त्यांना पोलिसांना याबाबत कळवलं. यानंतर तात्काळ पोलीस आणि बचावकार्य करणारं पथक घटनास्थळी दाखल झालं. स्थानिक नागरिक आणि पोलिसांनी दिलेल्या माहितीवरुन बोट समुद्रकिनाऱ्यापासून २-३ किमी अंतरावर उलटली. विजय बामानिया या ३५ वर्षीय वक्तीने पोहून कसाबसा समुद्रकिनारा गाठला. तर उस्मानी भंडारी (वय २२) आणि विनोद गोयल (४५) हे दोघे बेपत्ता आहेत. अग्निशमन दल, जीवरक्षक दल आणि पोलीस यांच्याकडून या दोघांचा शोध घेतला जात आहे.

शनिवारी रात्रीच्या सुमारास तीन जणांनी मासेमारीसाठी समुद्रात ही बोट सोडली. यावेळी बोट पाण्यात बुडाली. यातील एकजण वाचला असून दोन जण बुडाले आहेत. त्यांचा अद्यापही शोध लागलेला नाही. यामुळे या परिसरता भीतीचं वातावरण पसरलं आहे. पोलिसांनी या दोघांना बेपत्ता घोषीत केलं आहे.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

दिल्लीत पुन्हा इमारत कोसळली; चिमुकल्यासह दोघांचा मृत्यू, अनेक जण ढिगाऱ्याखाली अडकल्याची भीती, बचावकार्य सुरू

Mumbai : विरार-चर्चगेट लोकलमध्ये राडा; दोन प्रवाशांच्या भांडणात भिरकावलेला चाकू लागून भलताच प्रवासी जखमी, आरोपी अटकेत

उत्तराखंडमध्ये भीषण अपघात! पुलावरून बस थेट १०० मीटर खोल दरीत कोसळली; ८ जणांचा मृत्यू, २६ जखमी

कचऱ्यावर प्रक्रिया करा वा पैसे भरा! पात्र बल्क वेस्ट जनरेटर्ससाठी प्रतिमहिना २३५ रुपये प्रस्तावित; मुंबई महापालिकेची माहिती