मुंबई

देशमुख यांच्या याचिकेवर सुनावणी घेण्यास हायकोर्ट असमर्थ

आर्थिक गैरव्यवहाराप्रकरणी अनिल देशमुखांना २ नोव्हेंबर, २०२१ रोजी अंमलबजावणी संचालनालयाने (ईडी) अटक केली

प्रतिनिधी

मनी लाँड्रिंग प्रकरणात जामीन मिळावा म्हणून उच्च न्यायालयात धाव घेणाऱ्या राज्याचे माजी गृहमंत्री अनिल देशमुख यांच्या पदरी शुक्रवारी निराशा पडली. न्यायमूर्ती भारती डांगरे यांनी देशमुख यांच्या याचिकेवर सुनावणी घेण्यास असमर्थता दर्शवत नकार दिला. त्यामुळे आता या याचिकेवर अन्य न्यायालयासमोर लवकरच सुनावणी होण्याची शक्यता आहे.

आर्थिक गैरव्यवहाराप्रकरणी अनिल देशमुखांना २ नोव्हेंबर, २०२१ रोजी अंमलबजावणी संचालनालयाने (ईडी) अटक केली होती. तेव्हापासून देशमुख हे न्यायालयीन कोठडीत आहेत. या वर्षी मार्चमध्ये विशेष न्यायालयाने त्यांचा जामीन अर्ज फेटाळल्यानंतर देशमुखांनी उच्च न्यायालयात याचिका दाखल केली होती. आपल्या प्रकृती अस्वास्थ्याच्या कारणास्तव देशमुखांनी जामीन मागितला होता. तसेच ईडीचा खटला खोटा आणि अर्थहीन असल्याचे दावा केला होता. या प्रकरणात ईडीने आपल्याला लक्ष्य केले असून, तपास यंत्रणा आपल्या अधिकाराचा गैरवापर करत असल्याचा आरोप करताना मनी लाँड्रिंगच्या आरोपांचेही खंडन करत सर्व कथित व्यवहार कागदोपत्री असल्याचा दावा केला होतो. आपण आता ७३ वर्षांचे असून, आपल्याला विविध आजारांनी ग्रासले असल्याने जामीन द्यावा, अशी विनंती केली होती.

महाराष्ट्रातील किल्ल्यांच्या समावेशाकडे लागले लक्ष... युनेस्कोच्या जागतिक वारसा यादीसाठी नोंदणी प्रक्रिया सुरू

IND vs ENG 2025 : क्रिकेटच्या पंढरीत भारताची कसोटी! लॉर्ड्स स्टेडियमवर आजपासून तिसरा सामना, मालिकेत आघाडी घेण्याचे लक्ष्य

लैंगिक छळाच्या तक्रारीनंतर केलेली बदली रद्द; सहाय्यक प्राध्यापक महिलेला उच्च न्यायालयाचा दिलासा

भारतीय वंशाचे सबिह खान Apple चे नवे COO; लवकरच घेणार जेफ विल्यम्स यांची जागा

हॉटेल उद्योगावर मंदीचे सावट; शुल्क कमी न केल्यास ‘हॉटेल बंदचा’ व्यावसायिकांचा इशारा