मुंबई

मंत्रालयासमोरील जलवाहिनी फुटली; पालिकेचे काम सुरू; बेस्ट बस मार्ग वळवले

मंत्रालयाच्या इमारतीसमोर असलेल्या मादाम कामा रोडवर ६०० मिमी पाण्याच्या पाईपलाईनमध्ये गळती झाल्यानंतर शुक्रवारी मोठा गोंधळ पाहायला मिळाला. ए वॉर्ड कंट्रोलने सकाळी ११.३० वाजता ही घटना प्रथम नोंदवली आणि दुपारी १२:५० च्या सुमारास याबाबत उपाययोजना सुरू केली.

Swapnil S

मुंबई : मंत्रालयाच्या इमारतीसमोर असलेल्या मादाम कामा रोडवर ६०० मिमी पाण्याच्या पाईपलाईनमध्ये गळती झाल्यानंतर शुक्रवारी मोठा गोंधळ पाहायला मिळाला. ए वॉर्ड कंट्रोलने सकाळी ११.३० वाजता ही घटना प्रथम नोंदवली आणि दुपारी १२:५० च्या सुमारास याबाबत उपाययोजना सुरू केली. यामध्ये जल बांधकाम विभागाने तातडीने दुरुस्तीसाठी पथके घटनास्थळी तैनात केली असल्याची पुष्टी करण्यात आली.

पालिका अधिकाऱ्यांच्या मते, गळतीमुळे मादाम कामा रोडवर ४० मीटर अंतरावर खड्डा झाला आहे. सुरक्षिततेसाठी आणि दुरुस्तीसाठी अधिकाऱ्यांनी या भागात पाणीपुरवठा बंद केला. सहाय्यक अभियंता (जल बांधकाम) अंकिता धोपटे यांनी सांगितले की, दुरुस्तीचे काम सुरू आहे.

यामुळे पाणीपुरवठा विस्कळीत होऊन रस्त्याचे आणखी नुकसान होण्याचा धोका निर्माण झाला आहे, परिणामी मंत्रालय व लगतच्या इमारतींकडे जाणाऱ्या प्रवाशांना व कर्मचाऱ्यांना अडथळ्यांचा सामना करावा लागला.

बेस्ट बस मार्गांत बदल

  • पाणी गळती आणि रस्त्याच्या कामाच्या पार्श्वभूमीवर बेस्ट अधिकाऱ्यांनी मंत्रालय परिसरात सेवा देणाऱ्या अनेक बस मार्गांसाठी वळवण्याची घोषणा केली आहे.

  • बॅकबे आणि मंत्रालयादरम्यान १२१ आणि १३८ मार्गांवर चालणाऱ्या बस आता राजगुरू चौक, बॅरिस्टर रजनी पटेल मार्ग, जमनालाल बजाज मार्ग आणि नेताजी सुभाषचंद्र बोस रोड मार्गे वळवल्या जातील.

  • छत्रपती शिवाजी महाराज टर्मिनस (सीएसएमटी) ते मंत्रालयापर्यंत धावणाऱ्या ५, ८, १५, ८२, ८७, ८९ आणि १२६ क्रमांकाच्या बसचे मार्ग बदलण्यात आले आहेत. या बस आता नेताजी सुभाषचंद्र बोस रोडवरून उजवीकडे वळून मंत्रालयानजीक पोहोचतील.

  • दुरुस्ती पूर्ण होईपर्यंत आणि रस्त्याचा प्रभावित भाग नियमित वाहतुकीसाठी सुरक्षित घोषित होईपर्यंत वळवण्याचे मार्ग सुरू राहण्याची अपेक्षा आहे.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद