Mumbai : भुलेश्वरचा राजा गणेशोत्सव यंदा साधेपणाने; नुकसानग्रस्त मूर्तीची लोखंडी संरचना फॉरेन्सिक प्रयोगशाळेत संग्रहित छायाचित्र
मुंबई

Mumbai : भुलेश्वरचा राजा गणेशोत्सव यंदा साधेपणाने; नुकसानग्रस्त मूर्तीची लोखंडी संरचना फॉरेन्सिक प्रयोगशाळेत

भुलेश्वर परिसरात आगमन मिरवणुकीदर-म्यान २२ फूट उंचीची पीओपी गणेशमूर्ती कोसळून झालेल्या दुर्घटनेत दोन जणांचा मृत्यू, तर पाच जण जखमी झाले.

प्रतिनिधी

पूनम अपराज

मुंबई : भुलेश्वर परिसरात आगमन मिरवणुकीदर-म्यान २२ फूट उंचीची पीओपी गणेशमूर्ती कोसळून झालेल्या दुर्घटनेत दोन जणांचा मृत्यू, तर पाच जण जखमी झाले. या दुर्दैवी घटनेच्या पार्श्वभूमीवर भुलेश्वरचा राजा गणेशोत्सव मंडळाने यंदाचा गणेशोत्सव साधेपणाने साजरा करण्याचा निर्णय घेतला आहे. दरम्यान, दुर्घटनाग्रस्त मूर्तीची लोखंडी संरचना तपासणीसाठी फॉरेन्सिक प्रयोगशाळेत पाठविण्यात आली आहे, अशी माहिती पोलिस सूत्रांनी 'एफपीजे'ला दिली.

२० दिवसांपूर्वी कबुतरखाना, जय अंबे चौकाजवळील बलराम मर्चेंट रोडवर ही दुर्घटना घडली. सुमारे दोन टन वजनाच्या २२ फूट उंच मूर्तीचा काही भाग आगमन मिरवणुकीदरम्यान अचानक कोसळला.

भायखळ्यातील एका कार्यशाळेतून ही मूर्ती मिरवणुकीसाठी आणली जात होती. त्यावेळी मूर्तीची संरचना अचानक ढासळून मिरवणुकीत सहभागी झालेल्या भाविकांसह अन्य नागरिकांवर कोसळली. या दुर्घटनेत दोन जणांचा मृत्यू झाला, तर दोन मुलींसह पाच जण जखमी झाले.

पोलिस सध्या फॉरेन्सिक अहवालाची प्रतीक्षा करत असून, हा अहवाल सुमारे १० ते १५ दिवसांत प्राप्त होण्याची शक्यता आहे. फॉरेन्सिक तपासणीतील निष्कर्ष प्राप्त झाल्यानंतर या प्रकरणी गुन्हा दाखल करायचा की नाही, याबाबत निर्णय घेतला जाणार असल्याचे सूत्रांनी सांगितले. आतापर्यंत पोलिसांनी मूर्ती तयार करणाऱ्या शिल्पकारासह सुमारे २० जणांचे जबाब नोंदवले आहेत. मूर्तीची संरचना नेमकी कोणत्या कारणामुळे कोसळली आणि या प्रकरणात निष्काळजी-पणा किंवा सुरक्षा नियमांचे उल्लंघन झाले आहे का, याचा तपास सध्या सुरू आहे.

(इंग्रजी बातमी वाचण्यासाठी येथे क्लिक करा.)

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न