मुंबई

Mumbai : मालाडमधील सोसायटीत बिबट्याचा वावर

मालाड, पूर्व भागातील आयटी पार्कजवळील एका निवासी सोसायटीमध्ये मंगळवारी पहाटे बिबट्या शिरल्याची घटना समोर आली आहे. ‘रहेजा हाइट्स’ येथील सीसीटीव्ही कॅमेऱ्यात हा बिबट्या पार्किंग परिसरात फिरताना कैद झाला असून, वन विभागाच्या अधिकाऱ्यांनी या माहितीला दुजोरा दिला आहे.

Swapnil S

मुंबई : मालाड, पूर्व भागातील आयटी पार्कजवळील एका निवासी सोसायटीमध्ये मंगळवारी पहाटे बिबट्या शिरल्याची घटना समोर आली आहे. ‘रहेजा हाइट्स’ येथील सीसीटीव्ही कॅमेऱ्यात हा बिबट्या पार्किंग परिसरात फिरताना कैद झाला असून, वन विभागाच्या अधिकाऱ्यांनी या माहितीला दुजोरा दिला आहे. पहाटे ३ ते ४ च्या सुमारास घडलेल्या या घटनेचा व्हिडीओ समाजमाध्यमांवर मोठ्या प्रमाणावर व्हायरल झाला असून यामुळे स्थानिकांमध्ये भीतीचे वातावरण पसरले आहे.

या परिसरात बिबट्या दिसण्याची ही पहिलीच वेळ नसल्याचा दावा रहिवाशांनी केला आहे. यापूर्वीही अनेकदा आजूबाजूच्या परिसरात बिबट्याचे दर्शन झाले असल्याचे त्यांनी सांगितले. सार्वजनिक सुरक्षिततेसाठी आणि मानव-वन्यजीव संघर्ष टाळण्यासाठी वन विभाग आणि संबंधित प्रशासनाने तातडीने प्रतिबंधात्मक उपाययोजना कराव्यात, अशी मागणी स्थानिक रहिवाशांकडून करण्यात येत आहे.

नागरिकांना सतर्क राहण्याचे आवाहन

बिबट्या दिसण्याचे प्रमाण वाढू लागल्यानंतर वनविभागाच्या अधिकाऱ्यांनी नागरिकांना सतर्क राहण्याचे आवाहन केले आहे. विशेषतः रात्री उशिरा आणि पहाटेच्या वेळी वन्यजीवांची हालचाल अधिक असल्याने या काळात अधिक खबरदारी घ्यावी, असेही प्रशासनाने स्पष्ट केले आहे.

महाराष्ट्र कायम अव्वल राहणार; MIDC चे सीईओ दीपेंद्र कुशवाह यांचे प्रतिपादन; एआय, डेटा सेंटर आणि उत्पादनांच्या क्षेत्रात प्रचंड संधी

अंतराळातून परतलेल्या 'स्टारशिप'ला झेलले

मृत्युदंड रद्द करण्यास भारताचा विरोध; संयुक्त राष्ट्रांच्या प्रस्तावाविरोधात मतदान

जीसीसी क्षेत्रात महाराष्ट्राची आगेकूच! तिसऱ्या क्रमांकावर असलेल्या हैदराबादला मागे टाकण्याची तयारी

Mumbai : कंपन्यांनी थकवला २३३ कोटी मालमत्ता कर; दहा ते १५ वर्षांपासून BMC ला वसुलीत अपयश