मुंबईहून- मॉरिशियेसला जाणारं विमानं एमके ७४९ इंजिनमध्ये तांत्रिक बिघाड झाल्याने रद्द करण्यात आलं आहे. पहाटे साडेचार वाजता हे विमान मुंबईहून मॉरिशियेसला निघणार होतं. त्यामुळे पहाटे पावणे चार वाजताच प्रवासी विमानात पोहोचले. परंतु, विमानातील एसी बंद पडल्याने अनेक प्रवाशांना पाच तास तसंच बसवून ठेवल्याने त्यांची तब्येत बिघडली. या गंभीर घटनेचा व्हिडीओ सोशल मीडिया प्लॅटफॉर्म एक्सवर शेअर करण्यात आला आहे.
यामध्ये वृद्ध प्रवाशांचाही समावेश आहे. विमानात झालेल्या बिघाडामुळे प्रवाशांना नाहक त्रास सहन करावा लागला. विमानातून बाहेर काढल्यानंतर त्यांना श्वसनाचा त्रासही झाल्याची माहिती समोर आलीय. हे विमान रद्द करण्यात आलं असून प्रवाशांसाठी दुसरी व्यवस्था करण्यात आल्याचं समजतं.
या गंभीर घटनेचा व्हिडीओ सोशल मीडियावर व्हायरल झाला आहे. एनआयने या घटनेबाबत एक्सवर पोस्ट शेअर केली असून अशोक राज नावाच्या एक्स वापरकर्त्याने विमानातील व्हिडीओ शेअर केला आहे.
इथे पाहा व्हायरल व्हिडीओ
व्हायरल झालेल्या व्हिडीओत तुम्ही पाहू शकता की, विमानातील एसी बंद पडल्याने प्रवाशांना सीटवर तसंच बसवून ठेवलं. पाच तास प्रवासी विमानात बसल्याने त्यांना अस्वस्थ वाटू लागल्याचं व्हिडीओत पाहायला मिळत आहे.