Mumbai : बेस्ट बसच्या धडकेत ‘ओला’ चालकाचा मृत्यू; मालाड पुष्पा पार्क परिसरातील घटना 
मुंबई

Mumbai : बेस्ट बसच्या धडकेत ‘ओला’ चालकाचा मृत्यू; मालाड पुष्पा पार्क परिसरातील घटना

मालाड पूर्व येथील पुष्पा पार्क परिसरात गुरुवारी सकाळी ६.५० वाजता वडाळा डेपोत जाणाऱ्या बेस्ट बसने उभ्या असलेल्या ओला कारला धडक दिली.

Swapnil S

मुंबई : मालाड पूर्व येथील पुष्पा पार्क परिसरात गुरुवारी सकाळी ६.५० वाजता वडाळा डेपोत जाणाऱ्या बेस्ट बसने उभ्या असलेल्या ओला कारला धडक दिली. या धडकेत ओला कॅबचालक रामचंद्र पाल (५०) यांचा मृत्यू झाल्याची घटना घडली.

बस मार्ग क्रमांक ४४० वरील बस (क्रमांक ८१८४) सकाळी सुमारे ६.५० वाजता वडाळा डेपोकडे परतत होती. त्यावेळी पुष्पा पार्क येथे रस्त्याच्या कडेला उभी असलेल्या ओला कारला बसची धडक बसली. यावेळी कार चालक रामचंद्र पाल हे कार धुवत असताना बेस्ट बसच्या धडकेत त्यांना गंभीर दुखापत झाली आणि त्यांचा मृत्यू झाला.

ही बस वडाळा आगाराची असून मातेश्वरी कंत्राटदाराची आहे. घटनेची माहिती मिळताच चौकशीसाठी अधिकारी घटनास्थळी दाखल झाले होते. याप्रकरणी पोलिसांकडून पुढील तपास सुरू असून अपघाताच्या कारणाचा तपास सुरू आहे.

महाराष्ट्र कायम अव्वल राहणार; MIDC चे सीईओ दीपेंद्र कुशवाह यांचे प्रतिपादन; एआय, डेटा सेंटर आणि उत्पादनांच्या क्षेत्रात प्रचंड संधी

अंतराळातून परतलेल्या 'स्टारशिप'ला झेलले

मृत्युदंड रद्द करण्यास भारताचा विरोध; संयुक्त राष्ट्रांच्या प्रस्तावाविरोधात मतदान

जीसीसी क्षेत्रात महाराष्ट्राची आगेकूच! तिसऱ्या क्रमांकावर असलेल्या हैदराबादला मागे टाकण्याची तयारी

Mumbai : कंपन्यांनी थकवला २३३ कोटी मालमत्ता कर; दहा ते १५ वर्षांपासून BMC ला वसुलीत अपयश