मुंबई

मुंबईतील डान्स बारना पोलिसांचे संरक्षण; बारमालकांचे सिंडिकेट -विजय वडेट्टीवार

बारचालकांनी सिंडिकेट तयार केले असून, सिंडिकेटमधील बारचालक महिन्याला लाखो रुपये जमा करीत आहेत.

Swapnil S

मुंबई : मुंबईत ऑर्केस्ट्राच्या आड सर्रास डान्स बार चालवले जात आहेत. नियम धाब्यावर बसवून पहाटे पाच वाजेपर्यंत डान्स बार सुरू आहेत. मुंबईतील या डान्स बारना पोलिसांचेच संरक्षण आहे, असा आरोप विधानसभेतील विरोधी पक्षनेते विजय वडेट्टीवार यांनी शुक्रवारी केला. या डान्स बारवर छापे टाकून कडक कारवाई करावी, अशी मागणीही त्यांनी केली आहे.

बारचालकांनी सिंडिकेट तयार केले असून, सिंडिकेटमधील बारचालक महिन्याला लाखो रुपये जमा करीत आहेत. जमा झालेल्या रकमेतून पोलिसांना, पोलिसांच्या खबऱ्यांना, स्थानिक गुंडांना हप्ते दिले जात आहेत. त्यामुळे सिंडिकेटमधील डान्स बारवर कोणतीही कारवाई केली जात नाही, असा आरोप वडेट्टीवार यांनी केला. डान्स बार पहाटेपर्यंत चालू आहेत. याबाबत स्थानिकांनी पोलिसांकडे तक्रार देऊन देखील डान्सबारवर कोणतीही कारवाई केली जात नाही. याउलट सिंडिकेटमधील बारचालक तक्रारदारालाच धमक्या देत आहेत, मारहाण करीत आहेत. यासंदर्भातील अनेक तक्रारी प्राप्त झाल्या आहेत. त्यामुळे मुंबईतील ऑर्केस्ट्राच्या आड सुरू असलेल्या डान्स बारवर छापे टाकून कडक कारवाई करावी, अशी मागणी वडेट्टीवार यांनी केली आहे.

जिंकलंस भावा! कर्जतच्या तरुणाने मुंबईच्या रेल्वे स्टेशनवर केली महिलेची प्रसूती; डॉक्टर मैत्रिणीला व्हिडिओ कॉल करून वाचवले दोन जीव

भारताला २०३०च्या राष्ट्रकुलचे यजमानपद; अहमदाबादची आयोजनासाठी निवड; लवकरच अधिकृत घोषणा

अल्पसंख्याक शाळांमध्ये क्रीडा शिक्षक बंधनकारक! शाळांची मान्यता रद्द करण्याचा क्रीडामंत्री कोकाटे यांचा इशारा

नेस्कोच्या जमिनीचे अधिग्रहण रद्द; हायकोर्टाचा राज्य सरकारला दणका

मोठी बातमी! 'बँक ऑफ महाराष्ट्र'सह ४ सरकारी बँकांचे होणार विलीनीकरण? सरकार 'मेगा मर्जर'च्या तयारीत!