मुंबई

स्वाईन फ्लूच्या रुग्णसंख्येत दुपटीने वाढ; मुंबईकरांच्या चिंतेत भर

कोरोनाबाधित रुग्णसंख्येचा चढ-उतार पाहता सप्टेंबर महिन्यात चौथ्या लाटेचा उद्रेक होणार, असे संकेत मिळत आहेत

प्रतिनिधी

पावसाळ्यात पसरणाऱ्या साथीच्या आजारांचा मुंबईला विळखा बसला आहे. स्वाईन फ्लूच्या रुग्णसंख्येत तर आठवडाभरात दुपटीने वाढ झाली असून मलेरिया, डेंग्यू, लेप्टो, गॅस्ट्रोच्या रुग्णसंख्येत होणारी वाढ आरोग्य विभागासह मुंबईकरांच्या चिंतेत भर टाकणारी आहे.

कोरोनाबाधित रुग्णसंख्येचा चढ-उतार पाहता सप्टेंबर महिन्यात चौथ्या लाटेचा उद्रेक होणार, असे संकेत मिळत आहेत. चौथ्या लाटेचा फैलाव वेळीच रोखण्यासाठी मुंबई महापालिका उपाययोजना करत असताना आता साथीच्या आजारांनी डोके वर काढले आहे. पावसाळ्यात पसरणाऱ्या साथीच्या आजारांमध्ये स्वाईन फ्लूचा झपाट्याने फैलाव होत असून, आठवडाभरात रुग्णसंख्येत दुपटीने वाढ झाली आहे. १ ते ७ ऑगस्टदरम्यान स्वाईन फ्लूच्या ८० रुग्णांची नोंद झाली होती; मात्र ८ ते १४ ऑगस्ट या आठ दिवसांत स्वाईन फ्लूच्या रुग्णसंख्येत ४२ने वाढ झाली असून, रुग्णसंख्या १३८वर पोहोचली आहे. त्यापाठोपाठ मलेरियाचे ४१२, डेंग्यूचे ७३, लेप्टोचे २९ रुग्ण आढळले आहेत. त्यामुळे पावसाळ्यात पसरणाऱ्या साथीच्या आजारांचा धोका वाढला असून, योग्य ती काळजी घ्यावी, असे आवाहन पालिकेच्या आरोग्य विभागाच्या वतीने करण्यात आले आहे.

Thane : मुंब्रा रेल्वे स्थानकाजवळील दुकानातील मिठाईतून विषबाधा? पाच जणांची प्रकृती बिघडली, एकाचा मृत्यू, FDA कडून तपास सुरू

Diljit Dosanjh Indore Concert : दिलजीतच्या कॉन्सर्टमध्ये चोरट्यांचा धुमाकूळ; गर्दीचा फायदा घेत मोबाईल लंपास, दोघांना अटक

भंडाऱ्यात लालपरीचा अजब कारभार; रात्रीच्या अंधारात दोन विद्यार्थिनींना अर्ध्या रस्त्यात उतरवलं, पालकांचा संताप, चालक-वाहक निलंबित

Raigad Fire : उरणमध्ये केमिकलच्या गोदामाला भीषण आग! मोठ्या स्फोटाने परिसर हादरला; धुराचे लोट हवेत, VIDEO

ठाण्यात छठपूजेच्या उत्सवाला गालबोट; २० वर्षीय तरुणाचा तलावात बुडून दुर्दैवी मृत्यू