राष्ट्रीय

जन्मतारखेच्या पुराव्यासाठी आधार कार्ड' वैध नाही; सुप्रीम कोर्टाचा महत्त्वपूर्ण निकाल

सध्या प्रत्येक ठिकाणी नागरिकांना ओळख म्हणून 'आधार कार्ड' द्यावे लागते. अनेक सरकारी योजनांना 'आधार कार्ड' प्रमाण मानले जाते. पण, जन्मतारखेच्या पुराव्यासाठी 'आधार कार्ड' वैध ठरणार नाही, असा महत्त्वपूर्ण निकाल सुप्रीम कोर्टाने दिला आहे.

Swapnil S

नवी दिल्ली : सध्या प्रत्येक ठिकाणी नागरिकांना ओळख म्हणून 'आधार कार्ड' द्यावे लागते. अनेक सरकारी योजनांना 'आधार कार्ड' प्रमाण मानले जाते. पण, जन्मतारखेच्या पुराव्यासाठी 'आधार कार्ड' वैध ठरणार नाही, असा महत्त्वपूर्ण निकाल सुप्रीम कोर्टाने दिला आहे. यासंदर्भात पंजाब आणि हरयाणा उच्च न्यायालयाने दिलेला निकाल सुप्रीम कोर्टाने रद्द केला.

सुप्रीम कोर्टाचे न्या. संजय करोल व न्या. उज्ज्वल भुयान यांच्या खंडपीठाने हा निकाल दिला. खंडपीठाने सांगितले की, 'आधार कार्ड' वर असलेली जन्मतारीख वैध असणार नाही तर शाळेच्या दाखल्यावरील जन्मतारीख वैध असेल.

एका मोटार अपघात प्रकरणात मृताच्या नातेवाईकांना जिल्हा कोर्टाने १९ लाख ३५ हजार रुपये भरपाई दिली. परंतु, उच्च न्यायालयाने 'आधार कार्ड' वरील जन्म तारखेनुसार ही रक्कम ९ लाख २२ हजार ३३६ रुपये केली. 'आधार कार्डा' वरील जन्मदिनांकानुसार व्यक्तीचे वय ४७ होते, तर कुटुंबाने मृत व्यक्तीच्या शाळेचा दाखला न्यायालयात सादर केला. त्यावर ४५ वय नमूद केले होते. परंतु, उच्च न्यायालयाने 'आधार कार्ड' वरील जन्मदिनांक ग्राह्य धरली. सुप्रीम कोर्टाने या प्रकरणात निकाल देताना 'आधार कार्ड' जन्मतारखेसाठी वैध दस्तऐवज नाही. शाळा सोडल्याचा दाखला हा वैध दस्तऐवज असल्याचे स्पष्ट केले.

केंद्र सरकारच्या पत्रकाच्या आधारे निर्णय

याप्रकरणी केंद्र सरकारच्या पत्रकाचा आधार देत खंडपीठाने म्हटले की, केंद्र सरकारने २० डिसेंबर २०१८ रोजी काढण्यात आलेल्या पत्रकात 'आधार कार्ड' ओळखपत्र असल्याचा पुरावा म्हटले आहे. परंतु त्यातील जन्मतारीख प्रमाण नाही, असे म्हटले होते.

महाराष्ट्रातील किल्ल्यांच्या समावेशाकडे लागले लक्ष... युनेस्कोच्या जागतिक वारसा यादीसाठी नोंदणी प्रक्रिया सुरू

IND vs ENG 2025 : क्रिकेटच्या पंढरीत भारताची कसोटी! लॉर्ड्स स्टेडियमवर आजपासून तिसरा सामना, मालिकेत आघाडी घेण्याचे लक्ष्य

लैंगिक छळाच्या तक्रारीनंतर केलेली बदली रद्द; सहाय्यक प्राध्यापक महिलेला उच्च न्यायालयाचा दिलासा

भारतीय वंशाचे सबिह खान Apple चे नवे COO; लवकरच घेणार जेफ विल्यम्स यांची जागा

हॉटेल उद्योगावर मंदीचे सावट; शुल्क कमी न केल्यास ‘हॉटेल बंदचा’ व्यावसायिकांचा इशारा