बॉलिवूडचा सुप्रसिद्ध गायक कैलास खैर (Kailash Kher) याच्यावर २९ जानेवारीला कर्नाटकातील एका संगीत कार्यक्रमामध्ये बॉटल फेकून मारण्याचा प्रकार समोर आला. यानंतर पोलिसांनी तातडीने कारवाई करत एका व्यक्तीला अटक केली असून पुढील तपास चालू आहे.
मिळालेल्या माहितीनुसार, २९ जानेवारीला कैलास खैरचा एक संगीत कार्यक्रम होता. यादरम्यान कार्यक्रमाला उपस्थित असलेल्या व्यक्तीपैकी एकाने त्यांच्यावर बॉटल फेकून मारली. घटनास्थळी उपस्थित असलेल्या पोलिसांनी त्या व्यक्तीला तातडीने ताब्यात घेतले. या हल्ल्यामागे नेमके कारण काय? हे मात्र अद्याप समजू शकले नाही.