नवी दिल्ली : पूर्व दिल्लीतील गांधी नगर मार्केटमधील एका फर्निचरच्या दुकानात शनिवारी सकाळी आग लागली. या घटनेत कोणीही जखमी झाले नसल्याचे अग्निशमन दलाच्या अधिकाऱ्यांनी सांगितले. सकाळी १०.३० वाजता एक कॉल आला आणि चार अग्निशमन दलाच्या चार बंबांना तेथे पाठविण्यात आले. सुमारे तासभर बचावकार्य सुरू होते आणि सकाळी ११.३० वाजता आगीवर नियंत्रण मिळवण्यात आले, असे त्यांनी सांगितले. आगीचे कारण शॉर्टसर्किट असल्याचा संशय आहे.