राष्ट्रीय

इंडिगो विमानाचा दरवाजा झाला लॉक; प्रवासी अडकले

छत्तीसगडची राजधानी रायपूर येथील स्वामी विवेकानंद विमानतळावर दिल्लीहून रायपूरला आलेल्या इंडिगो विमानाचे गेट तांत्रिक बिघाडामुळे बंद झाले आणि गोंधळ उडाला. दुपारी २:२५ वाजता विमान रायपूरमध्ये सुरक्षितपणे उतरले. परंतु गेट न उघडल्याने प्रवासी सुमारे ४० मिनिटे विमानात अडकले होते.

Swapnil S

रायपूर : छत्तीसगडची राजधानी रायपूर येथील स्वामी विवेकानंद विमानतळावर दिल्लीहून रायपूरला आलेल्या इंडिगो विमानाचे गेट तांत्रिक बिघाडामुळे बंद झाले आणि गोंधळ उडाला. दुपारी २:२५ वाजता विमान रायपूरमध्ये सुरक्षितपणे उतरले. परंतु गेट न उघडल्याने प्रवासी सुमारे ४० मिनिटे विमानात अडकले होते. या विमानात छत्तीसगडचे माजी मुख्यमंत्री भूपेश बघेल, आमदार चतुरी नंद आणि रायपूरच्या महापौर मीनल चौबे यांच्यासह अनेक प्रवासी होते.

सिग्नल दिसत नव्हता

महापौर मीनल चौबे म्हणाल्या की, विमान रायपूरमध्ये सुरक्षितपणे उतरले. परंतु क्रू मेंबर्सना गेट उघडण्यासाठी वैमानिकाकडून परवानगी मिळाली नाही. तांत्रिक बिघाडामुळे गेट उघडण्याचा सिग्नल डिस्प्लेवर दिसत नव्हता. त्यामुळे प्रवाशांना ४० मिनिटे विमानातच राहावे लागले. या काळात विमानात कूलिंग आणि पाण्याची कमतरता भासली नाही. त्यामुळे प्रवाशांना फारसा त्रास झाला नाही.

अलिकडच्या अहमदाबाद विमान अपघाताच्या आठवणींमुळे काही प्रवासी निश्चितच घाबरले होते. सुमारे ४० मिनिटांच्या अथक परिश्रमानंतर, अभियंत्यांनी गेट उघडले आणि सर्व प्रवाशांना सुरक्षितपणे बाहेर काढण्यात आले.

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

दिल्लीत पुन्हा इमारत कोसळली; चिमुकल्यासह दोघांचा मृत्यू, अनेक जण ढिगाऱ्याखाली अडकल्याची भीती, बचावकार्य सुरू