राष्ट्रीय

दहावीच्या विद्यार्थ्याची हत्या

कानपूरची घटना; प्रेमावरून वाद झाल्याचा संशय

नवशक्ती Web Desk

कानपूर : मुलीच्या वादातून एका विद्यार्थ्याने प्रयाग विद्यामंदिर इंटर कॉलेजमध्ये अल्पवयीन विद्यार्थ्याने दुसऱ्या अल्पवयीन मुलाची वर्गात चाकू भोसकून हत्या केली आहे. एका मुलीवरून दोघांमध्ये शनिवारी भांडण झाले होते. त्यावरून ही हत्या झाली असावी, असा संशय आहे.

मृत नीलेंद्र तिवारी हा १५ वर्षांचा, तर आरोपी १३ वर्षांचा आहे. शनिवारी दोघांमध्ये वाद झाला होता. पण, मित्रांनी त्याचे भांडण सोडवले होते. मात्र, सोमवारी वर्गात पुन्हा त्यांच्यात भांडण झाले. आरोपी व नीलेंद्र यांची चांगली मैत्री होती. पण, त्यांच्यासोबत शिकणाऱ्या मुलीशी नीलेंद्र गप्पा मारू लागला. आरोपीला ही बाब आवडली नाही. तो नीलेंद्रवर नाराज होता.

सोमवारी आरोपीने बॅगमध्ये चाकू ठेवला होता. त्याने नीलेंद्रच्या पोटात व गळ्यावर अनेक वार केले. यानंतर तातडीने नीलेंद्रला रुग्णालयात दाखल केले. तेथे त्याला मृत घोषित केले.

पोलिसांनी शाळेत जाऊन आरोपी विद्यार्थ्याची चौकशी केली. नीलेंद्रने आरोपीला ठार मारण्याची धमकी दिली होती. त्यामुळे आरोपी घाबरला होता. त्यानंतर आरोपीने नीलेंद्रच्या हत्येचा कट आखला. घरातून त्याने चाकू घेऊन तो शाळेत गेला. जेवणाच्या सुट्टीत त्याने नीलेंद्रला धक्का मारून जमिनीवर पाडले. तेथे त्याच्यावर चाकूने हल्ला केला.

घरात चिखल, शेतात पाणीच पाणी! दुष्काळासाठी ओळखणारा मराठवाडा अतिवृष्टीने हैराण; बळीराजाच्या डोळ्यात अश्रू

मराठवाड्यात अतिवृष्टीचा कहर; ६७ गावांचा संपर्क तुटला, ८ जणांचा मृत्यू

महाराष्ट्र मंत्रिमंडळ निर्णय : आरोग्य उपचारांसाठी मोठा दिलासा, तर रेल्वे आणि गृहनिर्माण क्षेत्राला चालना

धाराशिव : नातू अन् आजी अडकले पुरात; खासदार ओमराजे निंबाळकर उतरले थेट पाण्यात, व्हिडिओ व्हायरल

Yavatmal : धक्कादायक! शिक्षकच बनला भक्षक; विद्यार्थिनीवर ९ महीने बलात्कार, गर्भपाताच्या गोळ्यांनी घेतला जीव