पंतप्रधान नरेंद्र मोदी यांनी शनिवारी (दि.२८ मार्च) बहुप्रतिक्षित नोएडा आंतरराष्ट्रीय विमानतळाचे (NIA) उद्घाटन केले. उत्तर भारतातील विमान वाहतूक आणि पायाभूत सुविधांसाठी हा एक महत्त्वाचा टप्पा मानला जात आहे. जेवार येथे उभारलेला हा विमानतळ दिल्लीतील इंदिरा गांधी आंतरराष्ट्रीय विमानतळावरील ताण कमी करण्यास मदत करणार आहे.

उड्डाणे कधी सुरू होणार?

विमानतळाचे उद्घाटन झाले असले तरी व्यावसायिक उड्डाणे पुढील ४५ ते ६० दिवसांत सुरू होणार आहेत. या काळात एअरलाइन्स स्लॉट्स, कर्मचारी आणि ग्राउंड ऑपरेशन्सची तयारी पूर्ण करतील. पहिली फ्लाइट २०२६ च्या मे महिन्यात सुरू होण्याची शक्यता आहे.

कोणत्या शहरांना कनेक्टिव्हिटी?

संभाव्य मार्गांमध्ये मुंबई, बंगळुरू, हैदराबाद, कोलकाता, चेन्नई, पुणे, अहमदाबाद, लखनऊ, जयपूर आणि गोवा या ठिकाणांचा समावेश असणार आहे.

कोणत्या एअरलाइन्स फ्लाइट्स चालवणार?

पहिल्या टप्प्यात IndiGo , Akasa Air आणि Air India Express या एअरलाइन्सची नावे समोर आली आहेत.

काय आहे खास?

नोएडा आंतरराष्ट्रीय विमानतळ हा आधुनिक आणि उच्च क्षमतेचा हब म्हणून विकसित करण्यात आला आहे. भविष्यात विस्ताराची मोठी क्षमता असून, पूर्ण क्षमतेने सुरू झाल्यावर लाखो प्रवाशांची सेवा देण्याची क्षमता आहे.

कनेक्टिव्हिटी आणि विकासाला चालना

हे विमानतळ एक्सप्रेसवे, मेट्रो आणि प्रादेशिक वाहतूक व्यवस्थांशी जोडला जाणार आहे. त्यामुळे शेवटच्या टप्प्यातील (last-mile) कनेक्टिव्हिटी सुधारेल. यामुळे रिअल इस्टेट, लॉजिस्टिक्स आणि व्यवसाय क्षेत्राला मोठी चालना मिळण्याची अपेक्षा आहे. रोजगारनिर्मिती वाढेल आणि एनसीआर जागतिक ट्रान्झिट हब म्हणून अधिक मजबूत होईल.

पुढील काही महिन्यांत अधिक एअरलाइन्स, नवीन मार्ग आणि आंतरराष्ट्रीय उड्डाणेही सुरू होण्याची शक्यता आहे. जेवार विमानतळ पश्चिम उत्तर प्रदेश, हरियाणा आणि राजस्थानातील काही भागांसाठी दिल्लीला पर्याय म्हणून उदयास येऊ शकतो.