राष्ट्रीय

संसदेत घुसखोरी करणाऱ्यांपैकी एक जण महाराष्ट्रातील?

22 वर्षापूर्वी संसदेवर झालेल्या दहशतवादी हल्लाच्या दिवशीच घुसखोरी केल्यानं आणि गॅलरीतून सदस्यांच्या बेंचवर उड्या मारल्याने एकच गोंधळ उडाला.

नवशक्ती Web Desk

आज संसदेवरील हल्ल्याला २२ वर्षे पूर्ण झाली असताना एक धक्कादायक घटना घडली. संसदेच्या लोकसभा या सभागृहाच्या गॅलरीतून दोन जणांनी सभागृहात उड्या घेतल्याने एकच खळबळ उडाली. तर दुसरीकडे सभागृहाच्या बाहेरच्या परिसरातून देखील एकाला पोलिसांनी ताब्यात घेतलं. या तिन्ही घुसखोरांपैकी एकजण हा महाराष्ट्रातील लातूर येथील असल्याचं सांगितलं जात असून त्याचे नाव अमोल शिंदे असल्याचं समजते.

मीडिया रिपोर्टनुसार, या तिन्ही घुसखोरांनी म्हैसूर येथील भाजप खासदार प्रताप सिम्हा यांच्या नावावर लोकसभा व्हिजीटर पास घेऊन आले होते. घुसखोरांमध्ये एका तरुणीचाही समावेश असल्याचे समजते, तिचं नाव नीलम सिंग आणि अन्य एकाचं नाव सागर आहे.

22 वर्षापूर्वी झालेल्या हल्लाच्या दिवशीच या तरुणांनी संसदेत घुसखोरी केल्यानं आणि गॅलरीतून सदस्यांच्या बेंचवर उड्या मारल्याने एकच गोंधळ उडाला. यामुळे संसदेचं कामकाज तहकूब करण्यात आलं. सुरक्षा यंत्रणा या प्रकरणाचा कसून तपास करत आहेत. दरम्यान, या तरुणांनी हे कृत्य का केलं? याबाबत अद्याप कोणतीही माहिती समोर आलेली नाही.

महाराष्ट्रातील किल्ल्यांच्या समावेशाकडे लागले लक्ष... युनेस्कोच्या जागतिक वारसा यादीसाठी नोंदणी प्रक्रिया सुरू

IND vs ENG 2025 : क्रिकेटच्या पंढरीत भारताची कसोटी! लॉर्ड्स स्टेडियमवर आजपासून तिसरा सामना, मालिकेत आघाडी घेण्याचे लक्ष्य

लैंगिक छळाच्या तक्रारीनंतर केलेली बदली रद्द; सहाय्यक प्राध्यापक महिलेला उच्च न्यायालयाचा दिलासा

भारतीय वंशाचे सबिह खान Apple चे नवे COO; लवकरच घेणार जेफ विल्यम्स यांची जागा

हॉटेल उद्योगावर मंदीचे सावट; शुल्क कमी न केल्यास ‘हॉटेल बंदचा’ व्यावसायिकांचा इशारा