प्रेषित मुहम्मद यांच्यावरील टिप्पण्यांबद्दल नाराजी व्यक्त करत निलंबित करण्यात आलेल्या भाजप नेत्या नुपूर शर्मा यांनी दिल्ली पोलिसांकडे जीवे मारण्याच्या धमक्यांची तक्रार केल्यानंतर त्यांना सुरक्षा देण्यात आली आहे.
नुपूर शर्मा यांना "प्रतिबंधात्मक उपाय" म्हणून सुरक्षा देण्यात आली आहे, असे पोलिसांनी सांगितले. पीटीआयच्या माहितीनुसार पोलिसांनी सांगितले की, 28 मे रोजी सायबर सेल युनिटला नुपूर शर्माकडून विविध व्यक्तींविरुद्ध "जीवे मारण्याच्या धमक्या आणि लक्ष्यित द्वेष" बद्दल तक्रार प्राप्त झाली आहे.
काय आहे नेमकं प्रकरण :
10 दिवसांपूर्वी एका टीव्ही वादविवादादरम्यान प्रेषितांबद्दल केलेल्या टिप्पण्यांबद्दल भाजपने नुपूर शर्मा यांना निलंबित केले होते, ज्याने इराण, इराक, कुवेत, कतार, सौदी अरेबिया, ओमान, यासह किमान 15 राष्ट्रांमधून संतप्त प्रतिक्रिया आणि अधिकृत निषेध नोंदविला होता. अनेक आखाती राष्ट्रांनी भारतीय राजदूतांना बोलावले आणि त्यांनी भाजप प्रवक्त्यांच्या इस्लामविरोधी विधानांचा निषेध व्यक्त केला.
प्रेषित मोहम्मद यांच्यावर केलेल्या वादग्रस्त वक्तव्यावरून मुंबई पोलीस करणार नुपूर शर्मा यांची चौकशी