नवी दिल्ली : रिलायन्स इंडस्ट्रीज लिमिटेडने शुक्रवारी डिसेंबर तिमाहीतील निव्वळ नफ्यात ९ टक्क्यांची वाढ झाल्याचे जाहीर केले. तेल व्यवसायाच्या कमाईतील घसरणीची भरपाई रिटेल आणि दूरसंचार क्षेत्रातील व्यवसायाने भरून काढली. ऑक्टोबर-डिसेंबरमध्ये रु. १७,२६५ कोटी किंवा २५.५२ रुपये प्रति शेअरचा निव्वळ नफा चालू २०२३-२४ आर्थिक वर्षाच्या तिसऱ्या तिमाहीत तर गेल्या वर्षीच्या वरील तिमाहीत १५,७९२ कोटी रु. किंवा २३.१९ रु. प्रति शेअर मिळवला होता. त्यामुळे यंदा तिमाहीतील निव्वळ नफा मागील तिमाहीच्या तुलनेत ९.३ टक्क्यांनी जास्त होता. कंपनीच्या स्टॉक एक्स्चेंज फाइलिंगनुसार ऑपरेशन्समधून मिळणारा महसूल जवळपास २.२ लाख कोटी रुपये होता.

रिलायन्स इंडस्ट्रीज लिमिटेडचे अध्यक्ष आणि व्यवस्थापकीय संचालक मुकेश डी. अंबानी म्हणाले, रिलायन्सने आणखी एक तिमाही मजबूत ऑपरेटिंग आणि आर्थिक कामगिरी दिली आहे, त्यांच्या व्यवसायातील संघांनी केलेल्या अपवादात्मक प्रयत्नांमुळे धन्यवाद.

जिओचा नफा ५,४४५ कोटी रु.

रिलायन्स जिओला डिसेंबरला संपलेल्या तिमाहीत एकूण महसूल ३२,५१० कोटी इतका विक्रमी मिळाला असून ही वाढ तब्बल ११.४ टक्के आहे. तर ईबीआयटीडीए ११.५ टक्के वाढून १३,९५५ कोटी झाला. तसेच निव्वळ नफा ५,४४५ कोटी रु. झाला असून त्यात वार्षिक आधारावर ११.६ टक्के वाढ झाली. तिसऱ्या तिमाहीत ग्राहकांची संख्या ४७०.९ दशलक्ष झाली.

रिलायन्स जिओ इन्फोकॉमचे अध्यक्ष आकाश एम अंबानी म्हणाले, “जिओने देशात 5G तंत्रज्ञान सर्वात जलद रोलआउट पूर्ण केले आहे आणि आता ते संपूर्ण भारतात उपलब्ध आहे.

रिलायन्स रिटेलला महसूल विक्रमी ८३,०६३ कोटी

रिलायन्स रिटेलने किराणा, फॅशन आणि जीवनशैली आणि ग्राहक इलेक्ट्रॉनिक्स व्यवसायांत तिमाहीत वार्षिक आधारावर २२.८ टक्के वाढ नोंदवत ८३,०६३ कोटी विक्रमी महसूल मिळवला आहे. तर ईबीआयटीडीए ३१.१ टक्के वाढून ६,२५८ कोटी रु. तर तिमाहीत रिलायन्स रिटेलचा निव्वळ नफा ३,१६५ कोटी म्हणजे ३१.९ टक्के वधारला. रिलायन्स रिटेल व्हेंचर्स लिमिटेडच्या कार्यकारी संचालक ईशा एम. अंबानी म्हणाल्या, रिलायन्स रिटेलने सणासुदीच्या तिमाहीत स्थिर कामगिरी केली आहे.