गंगटोक : वृद्ध आई-वडिलांना सांभाळण्यात मुले-मुली ना-नू करतात. त्यांना वाऱ्यावर सोडण्याचे प्रकार वाढीस लागले आहेत. आता आई-वडिलांना सांभाळणाऱ्या मुला-मुलींना ‘श्रावण कुमार’ पुरस्कार देण्याची घोषणा सिक्कीम सरकारने केली आहे.
राज्य सरकारच्या सामाजिक न्याय विभागाला ही योजना राबवण्याचे अधिकार व नियम बनवण्यास सांगितले आहे. पहिल्या क्रमांकाला १५ लाख, दुसऱ्या क्रमांकाला १० लाख, तर तिसऱ्या क्रमांकाला ५ लाख बक्षीस दिले जाईल. हा पुरस्कार स्वातंत्र्य दिनाच्या दिवशी दिला जाणार आहे, अशी घोषणा सिक्कीमचे मुख्यमंत्री प्रेमसिंग तमांग यांनी केली.