राष्ट्रीय

गृहनिर्माण बाजारपेठ पुढील सहा महिने चमकणार; रिॲल्टी सेंटिमेंट इंडेक्स सरकतोय

नाइट फ्रँक इंडियाचे अध्यक्ष आणि व्यवस्थापकीय संचालक शिशिर बैजल म्हणाले, अलिकडच्या तिमाहीत रिअल इस्टेट क्षेत्राने वाढीचा लक्षणीय टप्पा पाहिला आहे

Swapnil S

नवी दिल्ली : रिअल इस्टेट विकासक आणि वित्तीय संस्था तेजीत असून पुढील सहा महिन्यांसाठी मालमत्ता बाजारासाठी त्यांचा दृष्टिकोन उत्साही आहे. त्यामुळे उच्च मागणी कायम राहण्याची अपेक्षा आहे, असे नाइट फ्रँक आणि नारेडको अहवालात म्हटले आहे.

रिअल इस्टेट सल्लागार नाइट फ्रँक आणि रिअल्टर्स बॉडी नारेडको यांनी रविवारी २०२३ च्या चौथ्या तिमाहीसाठी (ऑक्टोबर-डिसेंबर २०२३) रिअल इस्टेट सेंटिमेंट इंडेक्सची ३९ वी आवृत्ती जारी केली.

अहवालानुसार, वर्तमान भावना निर्देशांक स्कोअर आशावादी झोनमध्ये राहिला तर २०२३ कॅलेंडर वर्षाच्या तिसऱ्या तिमाहीत ५९ वरून ६९ पर्यंत वाढला. भावना निर्देशांक विकासक, गुंतवणूकदार आणि वित्तीय संस्था यांसारख्या पुरवठा-पक्षातील भागधारकांच्या सर्वेक्षणावर आधारित आहे.

५० वरील स्कोअर भावनांमध्ये ‘आशावाद’ दर्शवतो, ५० गुण म्हणजे भावना ‘समान’ किंवा ‘तटस्थ’ आहे. ५० पेक्षा कमी गुण ‘निराशावाद’ दर्शवतात. भारतीय अर्थव्यवस्थेबद्दल सामान्य आशावाद आणि रिअल इस्टेट क्षेत्रातील सतत मागणी यामुळे २०२३च्या तिसऱ्या तिमाहीतील ६५ वरुन २०२३च्या चौथ्या तिमाहीत ७० पर्यंत वाढला आहे, असे अहवालात म्हटले आहे.

नाइट फ्रँक इंडियाचे अध्यक्ष आणि व्यवस्थापकीय संचालक शिशिर बैजल म्हणाले, अलिकडच्या तिमाहीत रिअल इस्टेट क्षेत्राने वाढीचा लक्षणीय टप्पा पाहिला आहे, ज्यामध्ये निवासी, कार्यालयीन जागा, औद्योगिक, गोदाम आणि किरकोळ क्षेत्र यासह सर्व प्रमुख विभागांनी सातत्यपूर्ण प्रगती दर्शविली आहे.

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

दिल्लीत पुन्हा इमारत कोसळली; चिमुकल्यासह दोघांचा मृत्यू, अनेक जण ढिगाऱ्याखाली अडकल्याची भीती, बचावकार्य सुरू