Navi Mumbai : हिट अँड रन दुर्घटनेत २१ वर्षीय तरुणीचा मृत्यू 
नवी मुंबई

Navi Mumbai : हिट अँड रन दुर्घटनेत २१ वर्षीय तरुणीचा मृत्यू

महापे येथील एका आयटी कंपनीत रात्रपाळी संपवून स्कुटीवरून डोंबिवली येथील घरी जात असलेल्या २१ वर्षीय तरुणीचा अज्ञात वाहनाच्या धडकेत मृत्यू -झाल्याची दुर्दैवी घटना शुक्रवारी पहाटे महापे उड्डाणपुलाखाली घडली.

Swapnil S

नवी मुंबई : महापे येथील एका आयटी कंपनीत रात्रपाळी संपवून स्कुटीवरून डोंबिवली येथील घरी जात असलेल्या २१ वर्षीय तरुणीचा अज्ञात वाहनाच्या धडकेत मृत्यू -झाल्याची दुर्दैवी घटना शुक्रवारी पहाटे महापे उड्डाणपुलाखाली घडली.

अपघातानंतर वाहनचालकाने जखमी तरुणीला कोणतीही मदत न करता घटनास्थळावरून पलायन केल्याने संताप व्यक्त होत आहे. मृत तरुणीचे नाव जिया शिवकुमार सिंह (२१) असे असून ती डोंबिवली (पूर्व) येथील लोढा हेवन परिसरात वास्तव्यास होती. जिया महापे येथील एका नामांकित आयटी कंपनीत कार्यरत होती.

मिळालेल्या माहितीनुसार, २९ मे रोजी नेहमीप्रमाणे रात्रपाळीची शिफ्ट संपल्यानंतर जिया पहाटे सुमारे ५ वाजण्याच्या सुमारास तिच्या स्कुटीने ठाणे-बेलापूर मार्गावरून डोंबिवलीकडे निघाली होती. महापे येथील उड्डाणपुलाखाली ठाणे लेनकडे जाणाऱ्या मार्गावर तिची स्कुटी आली असता, पाठीमागून भरधाव वेगाने आलेल्या अज्ञात वाहनाने तिला जोरदार धडक दिली.

भेसळयुक्त दुधाचा दैनंदिन पुरवठा २० लाख लिटरने घटला; FDA आयुक्त तुकाराम मुंढे यांचा दावा

Rajasthan Accident : देवदर्शनाहून परतताना काळाचा घाला; महाराष्ट्रातल्या एकाच कुटुंबातील ९ जणांचा मृत्यू, ६ जखमी

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न

Mumbai : टेक्सटाईल म्युझियमसाठी 'मेट्रो उपकर'; BMC भरणार ३.१७ कोटी रुपये

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका