नवी दिल्ली : भारतीय बॉक्सिंग महासंघाने (बीएफआय) २८ मार्च रोजी होणारी वार्षिक सर्वसाधारण सभा पुढे ढकलण्याचा निर्णय घेतला आहे. त्यामुळे महासंघाची निवडणूकही लांबणीवर पडली आहे.

बीएफआयची निवडणूक फेब्रुवारीत अपेक्षित होती. मात्र त्यावेळी ती होऊ न शकल्याने मार्चमध्ये ढकलण्यात आली. तसेच आंतरराष्ट्रीय ऑलिम्पिक समितीने महासंघावर कारवाई करणे टाळून त्यावरील बंदी उठवली. मात्र महासंघाने आयओएवर अन्य समिती नेमली. याविरोधात महासंघाने आवाज उठवला होता.

गेल्या काही काळापासून भारतीय बॉक्सिंग विविध कारणांनी चर्चेत आहे. तसेच पॅरिस ऑलिम्पिकमध्ये भारताला बॉक्सिंगमध्ये एकही पदक जिंकता आले नाही. त्यामुळे बॉक्सिंगपटू आणि बॉक्सिंगशी निगडीत अन्य घडामोडींवर सर्वांचे लक्ष आहे.