इंदूर : चायनामन फिरकीपटू कुलदीप यादव व प्रतिभावान यष्टिरक्षक फलंदाज ध्रुव जुरेल यांचा आगामी दुलीप ट्रॉफीसाठी मध्य विभागाच्या संघात (सेंट्रल झोन) समावेश करण्यात आला आहे. विशेष म्हणजे जुरेलकडेच या संघाचे कर्णधारपद सोपवण्यात आले आहे.

विदर्भाचा फिरकीपटू हर्ष दुबे व राजस्थानचा मानव सुतार यांचादेखील मध्य विभागात समावेश आहे. हर्षने यंदा रणजी हंगामात सर्वाधिक ६९ बळी मिळवून विदर्भाला जेतेपद मिळवून देण्यात मोलाची भूमिका बजावली. आयपीएलच्या १८व्या हंगामाचे जेतेपद मिळवणाऱ्या रॉयल चॅलेंजर्स बंगळुरूचा कर्णधार रजत पाटीदार मध्य विभागाचे प्रतिनिधित्व करेल.

मध्य विभाग संघ

ध्रुव जुरेल (कर्णधार), रजत पाटीदार, आर्यन जुयाल, आयुष पांडे, दानिष मलेवार, शुभम शर्मा, संचित देसाई, यश राठोड, कुलदीप यादव, हर्ष दुबे, आदित्य ठाकरे, मानव सुतार, दीपक चहर, खलिल अहमद, सारांश जैन. राखीव : यश ठाकूर, महिपाल लोमरोर, कुलदीप सेन.