IPL/X
क्रीडा

IPL 2025 : धोनीने निवृत्तीविषयी केले भाष्य; पुढील वर्षीही खेळण्याची शक्यता

चेन्नईचा यंदाचा हंगाम संपला असून इतिहासात प्रथमच ते आयपीएलच्या गुणतालिकेत तळाशी राहिले. धोनीने सामन्यानंतर झालेल्या प्रेझेंटेशनमध्ये निवृत्तीविषयी भाष्य केले.

Swapnil S

अहमदाबाद : चेन्नईचा ४३ वर्षीय कर्णधार महेंद्रसिंह धोनी पुढील वर्षीही आयपीएल खेळण्याची शक्यता नाकारता येत नाही. चेन्नईचा यंदाचा हंगाम संपला असून इतिहासात प्रथमच ते आयपीएलच्या गुणतालिकेत तळाशी राहिले. धोनीने सामन्यानंतर झालेल्या प्रेझेंटेशनमध्ये निवृत्तीविषयी भाष्य केले.

“माझ्याकडे अजूनही पुरेसा वेळ आहे. फक्त सुमार कामगिरी झाली म्हणून खेळाडूंनी निवृत्तीचा निर्णय घेतला, तर काही खेळाडू वयाच्या २२व्या वर्षीच निवृत्त झाले असते. मी असे म्हणणार नाही, की मी थांबत आहे. मी असेही म्हणणार नाही की मी पुन्हा येणार नाही. तूर्तास मी रांचीत जाऊन बाईकस्वारीचा आनंद लुटणार आहे,” असे धोनी म्हणाला. त्यामुळे धोनी पुढील वर्षीही आयपीएल खेळण्याची दाट शक्यता बळावली आहे.

ऋतुराज गायकवाड चेन्नईचा कर्णधार होता. मात्र दुखापतीमुळे तो स्पर्धेबाहेर गेल्यावर धोनीकडे कर्णधारपद सोपवण्यात आले होते. मात्र तरीही चेन्नईचे नशीब पालटले नाही. धोनीच्या वक्तव्यानंतर समाज माध्यमांवर विविध प्रतिक्रिया उमटत आहेत.

Mumbai: २० ‌विभागांचा निधी दिवाबत्तीसाठी; रस्त्यांवरील दिवाबत्तीची ५४.८० कोटींची थकबाकी, चालू आर्थिक वर्षातील तरतूदही अपुरी

वेतनश्रेणीच्या मागणीसाठी न्यायालयीन कामकाज ठप्प; संपात राज्यातील सुमारे ३४ हजार न्यायालयीन कर्मचारी सहभागी

भटक्या कुत्र्यांवर उपाययोजना करा! न्यायालयाचे मुंबई महापालिकेला आदेश

Thane : 'बाळासाहेब असते, तर त्याच रात्री न्याय मिळाला असता'; कापूरबावडी पोलीस ठाण्याबाहेर बॅनर

ठाणे पोलीस आयुक्तांचे व्हॉट्सॲप खाते हॅक; स्टेट्सवर २० अश्लील चित्रफिती