ब्रिस्बेनच्या गाबा स्टेडियमवर आज भारत आणि न्यूझीलंड यांच्यातील सराव सामना पावसामुळे रद्द करण्यात आला आहे. भारतीय वेळेनुसार आज दुपारी 1.30 वाजता सामना सुरू होणार होता. त्यामुळे अर्धा तास आधी दोन्ही संघांचे कर्णधार नाणेफेकीसाठी दुपारी एक वाजता मैदानात उतरणार होते. पण, पावसामुळे नाणेफेकीला उशीर झाला. भारत आणि न्यूझीलंड यांच्यातील सामना रद्द करण्यात आल्याची माहिती बीसीसीआयने दिली आहे.