नवी दिल्ली : रेयाल माद्रिदचा तारांकित आक्रमणपटू व्हिनिशियस ज्युनियर, बार्सिलोनाचा विंगर रॅपिन्हा आणि पॅरिस सेंट-जर्मेनचा अनुभवी खेळाडू मार्किन्होस यांच्या नेतृत्वाखाली ब्राझीलने भारतासोबतच्या ऐतिहासिक पहिल्यावहिल्या फुटबॉल सामन्यासाठी २६ सदस्यीय तगड्या संघाची घोषणा केली आहे.
३ ऑक्टोबर रोजी सायंकाळी ७.३० वाजता कोलकात्यातील साल्ट लेक स्टेडियमवर ब्राझील आणि भारतीय संघ आमनेसामने येतील, जो भारतीय फुटबॉलच्या इतिहासातील एक ऐतिहासिक क्षण ठरणार आहे. ब्राझीलच्या ऑस्ट्रेलिया दौऱ्यानंतर हा सामना आयोजित करण्यात आला असून, तेथे मुख्य प्रशिक्षक कार्लो अँसेलोटी यांच्या मार्गदर्शनाखाली ब्राझील २५ सप्टेंबरला टाउन्सविले येथे आणि २९ सप्टेंबरला ब्रिस्बेन येथे यजमान ऑस्ट्रेलियाविरुद्ध खेळणार आहे. रिओ दि जानेरो येथील ब्राझिलियन फुटबॉल कन्फेडरेशनच्या मुख्यालयात २०२६ च्या विश्वचषकानंतर अँसेलोटी यांनी आपल्या पहिल्या संघाची घोषणा केली.