ठाणे

अडीच कोटीचे हस्तिदंताची विक्री करण्यासाठी आलेले गजाआड; ठाणे गुन्हे शाखा युनिटची कामगिरी

वनविभागाच्या मदतीने सापाला रचून कळवा नाका परिसरातून दोघं संशयितांना अटक केली.

प्रतिनिधी

वन्यप्राणी हत्तीच्या दातांची चोरटी विक्री करण्यासाठी कळवा परिसरात दोन संशयित येत असल्याची खबर ठाणे गुन्हे शाखा युनिट-१ च्या पथकाला मिळाली. या माहितीच्या आधारे पथकाने वनविभागाच्या मदतीने सापाला रचून कळवा नाका परिसरातून दोघं संशयितांना अटक केली. त्यांच्याकडे अंगझडतीत अडीच कोटीचे हस्तिदंत आढळले. दरम्यान, या प्रकरणाचा पोलीस अधिक तपास करीत आहेत.

हस्तीदंताची विक्री करण्याकरीता कळवा परिसरात येणार असल्याची माहीती प्राप्त झाल्याने गुन्हे शाखा, घटक १ चे अधिकारी व अंमलदार यांनी गुप्त बातमीदारने दिलेल्या माहीतीच्या अनुषंगाने वनविभागाचे मदतीने छत्रपती शिवाजी महाराज चौक, शिवसेना शाखेसमोर, कळवा नाका, ठाणे येथे सापळा रचून दोन इसमांस ताब्यात घेतले. त्यांच्याकडे असलेल्या पिशवीत वन्यजीव प्राणी हत्ती याचे सुमारे ३४.५ से. मी. लांबीचे व १.४०० कि.ग्रॅम वजनाचे एक हस्तीदंत हस्तगत केले गुन्हे शाखा आणि वनविभागाच्या अधिकाऱ्यांनी याची बाजारात अडीच कोटीची किंमत असल्याचे सांगितले.

दरम्यान, हे हस्तिदंत कोठून आणले? कुणाला विक्री करणार होते, याबाबतचा खुलासा चौकशीअंती होणार असल्याची माहिती गुन्हे शाखेच्या वरिष्ठ अधिकारी यांनी दिली.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद