ठाणे : गणेशोत्सव हा महाराष्ट्रातील सर्वात मोठा सण असून यानिमित्ताने सर्वत्र आनंदाचे, उत्साहाचे आणि मंगलमय वातावरण असते. या भक्तिमय वातावरणात रेल्वे प्रशासनानेही सर्व रेल्वे स्थानकांवरील ध्वनिक्षेपण यंत्रणेवर श्री गणेशाच्या प्रार्थना, श्लोक आणि गाणी प्रसारित करावीत, असे आवाहन ठाण्याचे खा. नरेश म्हस्के यांनी रेल्वे मंत्री अश्विनी वैष्णव यांच्याकडे केले आहे.

श्री गणेशाची महती वर्णन करणारे अनेक श्लोक, काव्य आणि गाणी अनेक आहेत आदी शंकराचार्य रचित ‘गणेश पंचरत्न’ त्यापैकी एक, ज्येष्ठ पार्श्वगायिका अनुराधा पौडवाल यांनी नुकतेच लंडन येथील हाऊस ऑफ कॉमनमध्ये देखील हे स्तुती काव्य गायले. त्याची ध्वनिफित रेल्वे प्रशासनाला प्रसारणासाठी उपलब्ध करून देण्यात येईल.