ठाणे

कल्याण मतदारसंघासाठी सुषमा अंधारेंना उमेदवारी द्या ! शिवसैनिकांची पक्षप्रमुख उद्धव ठाकरेंकडे मागणी

कल्याण लोकसभा मतदारसंघात शिवसेनेचा भगवा फडकला आहे.

Swapnil S

डोंबिवली : आगामी कल्याण लोकसभा मतदारसंघाच्या निवडणुकीत शिवसेना उद्धव बाळासाहेब ठाकरे पक्षाकडून सुषमा अंधारे यांना उमेदवारी द्यावी, अशी मागणी शिवसैनिकांनी पक्षप्रमुख उद्धव ठाकरे यांच्याकडे केली आहे. या मतदारसंघातून प्रथमच महिला उमेदवार दिली जाईल, याकडे आता सर्वांचे लक्ष लागले आहे.

कल्याण लोकसभा मतदारसंघात शिवसेनेचा भगवा फडकला आहे. गेली दहा वर्षे या मतदारसंघातून डॉ. श्रीकांत शिंदे मोठ्या मताधिक्याने जिंकले आहेत. आता शिवसेना आणि भाजप महायुतीतून त्यांनाच उमेदवार दिली जाणार आहे, तर महाविकास आघाडीकडून या मतदारसंघात शिवसेना उद्धव बाळासाहेब ठाकरे पक्षाकडून सुषमा अंधारे यांना उमेदवारी मिळावी, याकरिता शिवसैनिकांनी उद्धव ठाकरे यांच्याकडे मागणी केली आहे.

उमेदवाराला तोडीस तोड असा चेहरा

याबाबत डोंबिवली शहरप्रमुख विवेक खामकर म्हणाले, कल्याण लोकसभा मतदारसंघातील सहा विधानसभा मतदारसंघातील शिवसैनिकांनी मागणी केली असली तेही त्याबाबतचा निर्णय वरिष्ठ नेतेच घेतील. आदित्य ठाकरे यांची या मतदारसंघात उमेदवारी दिली जाईल, अशी जी चर्चा आहे त्यात तथ्य नाही. या मतदारसंघातून समोरच्या उमेदवाराला तोडीस तोड, असा चेहरा म्हणजे सुषमा अंधारे असाव्यात, आमची मागणी आहे.

सलग नवव्या दिवशी सोन्याच्या दरात घसरण; सोने ५,२००, तर चांदी ४,००० रुपयांनी स्वस्त

मुंढवा जमीन व्यवहार प्रकरण : पार्थ पवार यांना दिलासा

प्रभादेवीत रेल्वेच्या कारवाईला स्थगिती; शिंदेंची केंद्रीय रेल्वे मंत्र्यांशी चर्चा; रहिवाशांचे पुनर्वसन करण्याचे निश्चित झाल्याची दिली माहिती

तडजोड करणारे पंतप्रधान जागतिक नेत्यांशी चर्चा कशी करणार? राहुल गांधींचे मोदींवर टीकास्त्र

गृहनिर्माण सोसायट्यांना दिलासा; ५० पेक्षा कमी सभासद संख्येच्या संस्थांची निवडणूक SGM मध्ये; महाराष्ट्र सहकारी संस्था नियमांत सुधारणा