डोंबिवली : इन्स्टाग्रामावर रील बनवून एका २५ वर्षीय तरुणाने मोठा गाव माणकोली पुलावरून खाडीत उडी मारल्याची घटना शुक्रवार, २३ तारखेला दुपारी अडीच वाजण्याच्या सुमारास डोंबिवली पश्चिमेकडील रेती बंदर रोडवरील मोठा गावजवळील खाडीत घडली होती. याची माहिती मिळताच विष्णूनगर पोलीस घटनास्थळी दाखल झाले. तर अग्निशामक दलाचे जवान तात्काळ घटनास्थळी जाऊन शोध कार्य सुरू केले होते. रविवारी दुपारी १२ वाजण्याच्या सुमारास खाडीत शोध कार्य सुरू असताना अग्निशामक दलाच्या जवानांना युवकाचा मृतदेह सापडला. रोहित अशोक मोर्या असे खाडीत उडी मारणाऱ्या तरुणाचे नाव आहे. तो भिंवडी येथील साईनगर येथील कामत घर येथे राहत होता.