ठाणे : ठाण्याच्या घोडबंदर रोडवरील उन्नती ग्रीन सर्कल येथे पाण्याच्या टँकरने दुचाकीला दिलेल्या धडकेत एका जगन्नाथ परब(३८) या व्यक्तीचा मृत्यू झाला, तर अर्णब परब (१३) स्वयम परब (०२) हे जखमी झाल्याची घटना रविवारी (७ एप्रिल) रोजी रात्री १०.३० वाजण्याच्या सुमारास घडली. या अपघातातील जखमींना उपचारार्थ रुग्णालयात नेण्यात आले.

ठाण्याच्या चोडबंदर रोडवरील उन्नती ग्रीन सर्कल, मोनालीसा हॉटेलजवळ अपघातात ३८ वर्षीय मृतक जगन्नाथ परब हा महिंद्रा कंपनीत कामाला होता तो परिवारासह हावरे सिटी, ठाणे येथे राहत होता. घटनेच्या दिवशी जगन्नाथ परब हे आपला मुलगा अर्णब परब (१३), स्वयम परब (२) यांना दुचाकीवर घेऊन जात असतानाच रस्त्यावर धावणाऱ्या पाण्याच्या टँकरने परब यांच्या दुचाकीला धडक दिल्यानंतर मागे बसलेले अर्णब आणि स्वयम हे दूर फेकले गेले, तर दुचाकी चालविणारे जगन्नाथ परब हे मोटारसायकलसह टँकरच्या टायरखाली सापडल्याने त्यांचा दुर्दैवी मृत्यू झाला.