डाएटवाल्यांसाठी खास! नाश्त्यात बनवा कुरकुरीत पालक ओट्स टिक्की; १० मिनिटांत होईल तयार 'एआय'ने बनविलेली प्रातिनिधिक प्रतिमा
लाईफस्टाईल

डाएटवाल्यांसाठी खास! नाश्त्यात बनवा कुरकुरीत पालक ओट्स टिक्की; १० मिनिटांत होईल तयार

डाएट करताना नाश्त्यासाठी काय खावं? पालक, ओट्स आणि पनीरपासून बनवा कुरकुरीत पालक ओट्स टिक्की. जाणून घ्या १० मिनिटांत तयार होणारी सोपी रेसिपी.

Mayuri Gawade

रोजच्या नाश्त्यात पोहे, उपमा किंवा शिरा खाऊन कंटाळा आला असेल तर काहीतरी वेगळं करून पाहायला हरकत नाही. विशेषतः डाएट फॉलो करताना चविष्ट पदार्थ खाण्यावर अनेक जण मर्यादा घालतात. मात्र, योग्य साहित्य वापरून नाश्त्याचे पदार्थ थोडे हेल्दी पद्धतीने तयार करता येतात. पालक, ओट्स आणि पनीरपासून बनणारी कुरकुरीत टिक्की हा त्यासाठी एक सोपा पर्याय आहे. ही टिक्की तव्यावर कमी तेलात भाजता येते आणि नाश्त्यासाठी झटपट तयार होते. चला तर मग जाणून घेऊया पालक ओट्स टिक्कीची सोपी रेसिपी.

पालक ओट्स टिक्की बनवण्यासाठी साहित्य

  • पालक - १ वाटी

  • ओट्स - १ वाटी

  • पनीर - ½ वाटी

  • हिरवे वाटाणे - ½ वाटी

  • मखाणे - ½ वाटी

  • दही - २ चमचे

  • बेसन - २ चमचे

  • हिरवी मिरची - १

  • आलं - थोडं

  • काळीमिरी पावडर - ½ चमचा

  • जिऱ्याची पावडर - ½ चमचा

  • चाट मसाला - ½ चमचा

  • मीठ - चवीनुसार

  • तेल - टिक्की भाजण्यासाठी

अशी बनवा कुरकुरीत टिक्की

सर्वप्रथम पालक आणि हिरवे वाटाणे गरम पाण्यात थोडावेळ शिजवून घ्या. त्यात थोडं आलं घाला. हे मिश्रण थंड झाल्यानंतर मिक्सरमध्ये बारीक करून घ्या.

आता एका भांड्यात ओट्स घ्या आणि त्यात दही मिसळा. ओट्स मऊ होण्यासाठी हे मिश्रण काही मिनिटे बाजूला ठेवा. दुसरीकडे मखाणे पाण्यात साधारण ५ मिनिटे भिजवून घ्या. त्यानंतर अतिरिक्त पाणी काढून मखाणे बाजूला ठेवा.

एका मोठ्या भांड्यात पालक आणि वाटाण्याची तयार पेस्ट घ्या. त्यामध्ये भिजवलेले ओट्स, किसलेले पनीर, मखाणे आणि बेसन घाला. त्यानंतर हिरवी मिरची, काळीमिरी पावडर, जिऱ्याची पावडर, चाट मसाला आणि चवीनुसार मीठ घाला.

सर्व साहित्य चांगले एकत्र करून घट्ट मिश्रण तयार करा. या मिश्रणाचे छोटे गोळे करून हाताने टिक्कीचा आकार द्या.

आता तवा गरम करून त्यावर थोडे तेल सोडा. तयार केलेल्या टिक्क्या तव्यावर ठेवून दोन्ही बाजूंनी सोनेरी आणि कुरकुरीत होईपर्यंत भाजून घ्या.

गरमागरम पालक ओट्स टिक्की तयार आहे. ही टिक्की तुम्ही हिरवी चटणी, दही किंवा तुमच्या आवडीच्या डिपसोबत नाश्त्यात खाऊ शकता.

लक्षात ठेवा

टिक्की डाएटसाठी बनवत असाल तर ती जास्त तेलात तळण्याऐवजी तव्यावर थोड्या तेलात भाजणे हा पर्याय ठरू शकतो. मात्र, वजन कमी करण्यासाठी केवळ एखादा पदार्थ पुरेसा नसतो. एकूण आहार, व्यायाम आणि वैयक्तिक पोषणाच्या गरजेनुसार आहाराचे नियोजन करणे महत्त्वाचे आहे.

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न