बीड : बीड लोकसभा मतदारसंघात अतिशय चुरशीची लढत झाली. भाजपच्या उमेदवार पंकजा मुंडे व शरद पवार गटाचे उमेदवार बजरंग सोनवणे यांच्यात फाइट झाली, तर मंगळवारी मतमोजणीच्या शेवटच्या फेरीपर्यंत बीडमध्ये चांगलीच चुरस पाहायला मिळाली. बीडमध्ये भाजपच्या उमेदवार पंकजा मुंडेंचा पराभव झाला आहे. राष्ट्रवादी कॉँग्रेस शरद पवार गटाचे तसेच महाविकास आघाडीचे उमेदवार बजरंग सोनवणेंनी पंकजा मुंडेंचा पराभव केला आहे. बजरंग सोनवणे यांनी ३१व्या फेरीमध्ये ६१२८ मतांची आघाडी घेतली आहे.
भाजप उमेदवार पंकजा मुंडेंकडून बीड, गेवराई विधानसभा मतदारसंघात फेर मतमोजणीची मागणी करण्यात आली होती. बीड लोकसभा मतदारसंघात अतिशय अटीतटीच्या लढतीत ३२ व्या फेरीमध्ये निकाल समोर आलाय. ३१व्या फेरीनंतर पंकजा मुंडे ४०० मतांनी आघाडीवर होत्या; मात्र, शेवटच्या फेरीपर्यंत बीडमध्ये ट्विस्टवर ट्विस्ट पाहायला मिळत आहेत. पंकजा मुंडे यांनी ३४ हजारांचा लीड घेतला होता. तो बजरंग सोनवणे यांनी ४ ते ५ फेऱ्यांमध्ये मोडित काढला होता.