मुंबई : माजी मुख्यमंत्री व कॉंग्रेस नेते पृथ्वीराज चव्हाण यांनी महाराष्ट्रात राष्ट्रपती राजवट लागू होणार असल्याचा दावा केला आहे. बदलापूर बलात्कार प्रकरण व छत्रपती शिवाजी महाराजांचा पुतळा कोसळल्यानंतर महायुती सरकार अडचणीत आल्याने राज्यात राष्ट्रपती राजवट लागू करून विधानसभा निवडणुका पुढे ढकलण्यात येतील, असा दावा त्यांनी केला आहे.

महाराष्ट्र विधानसभेची मुदत २६ नोव्हेंबर रोजी संपणार आहे. त्यामुळे महाराष्ट्रात सध्या सर्वांनाच विधानसभा निवडणुकीचे वेध लागले आहेत. ही निवडणूक जिंकण्यासाठी महायुतीने अनेक ‘लाडक्या’ योजना जाहीर करीत मोर्चेबांधणी केली आहे. तर दुसरीकडे लोकसभा निवडणुकीतील यशामुळे आत्मविश्वास दुणावलेली महाविकास आघाडी आक्रमक झाल्याचे दिसून येत आहे.