पंतप्रधान नरेंद्र मोदी (PM Narendra Modi) हे आज अनेक विकासकामांच्या उद्घाटनासाठी महाराष्ट्रात असणार आहेत. समृद्धी महामार्गाच्या (Samruddhi Express Highway) नागपूर ते शिर्डी या पहिल्या टप्प्यातील प्रवासी वाहतुकीचे लोकार्पण त्यांच्या हस्ते नागपुरात झाले. तसेच, त्यांनी नागपूर- बिलासपूर वंदे भारत एक्सप्रेसला हिरवा झेंडा दाखवला. यावेळी त्यांच्यासोबत मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस हेदेखील उपस्थित होते. पंतप्रधान नरेंद्र मोदी यांनी यावेळी मुख्यमंत्री एकनाथ शिंदे यांच्या कामाचे कौतुक करत त्यांच्या पाठीवर कौतुकाची थाप दिली.

पंतप्रधान नरेंद्र मोदी हे वेगवेगळ्या प्रकल्पांचे उद्घाटन आणि भूमिपूजनाचा महाराष्ट्रात आले आहेत. मुख्यमंत्री शिंदे आणि उपमुख्यमंत्री फडणवीस यांच्यासह केंद्रीय मंत्री नितीन गडकरी आणि राज्यपाल भगतसिंह कोश्यारी हेदेखील यावेळी उपस्थित होते. पंतप्रधानांच्या हस्ते आज महाराष्ट्रातील ७५,००० कोटी रुपयांच्या प्रकल्पांची पायाभरणी आणि लोकार्पण करण्यात येणार आहे. यादरम्यान, पंतप्रधान मोदींनी नागपूर मेट्रोच्या फेज दोनचे भूमीपूजन केले. यावेळी त्यांनी नागपूर मेट्रोने प्रवासदेखील केला. मेट्रो प्रवासादरम्यान पंतप्रदान मोदी यांनी विद्यार्थ्यांशी संवाद साधला. पंतप्रधान मोदी यांनी स्वतः समृद्धी महामार्गावरच्या प्रवासाचा अनुभव घेतला.