मुख्यमंत्री एकनाथ शिंदे (Eknath Shinde) यांनी आज हिवाळी अधिवेशनात शेवटच्या आठवड्यातील प्रस्तावावर भाषण करताना विरोधकांवर हल्लाबोल केला. मुख्यमंत्री म्हणाले की, महाविकास आघाडी सरकारच्या काळात आमदार हनुमान चालीसा वाचायला बसले तर तुम्ही त्यांना तुरुंगात टाकले. त्यांच्या खासदार पत्नीलाही तुरुंगात टाकण्यात आले. पत्रकार अर्णब गोस्वामी आणि राहुल कुलकर्णी यांना तुरुंगात टाकण्यात आले. संपूर्ण कार्यक्रम गिरीश महाजन यांनी केला. त्यावेळी आमची सरसकट चौकशी करणे हे पाप होते.

अडीच वर्षांत विदर्भासाठी तुम्ही काय निर्णय घेतला, असे मुख्यमंत्री म्हणाले. विदर्भातील शेतकऱ्याने चांगल्या वाहनाने प्रवास करावा. शेतकऱ्यांनी विमानाने प्रवास करावा. तालुक्यांमध्ये विमानतळ सुरू होत आहेत. मुख्यमंत्री हेलिकॉप्टरने शेतावर कसे जातात. मुख्यमंत्री कसा हेलिकॉप्टरने शेतावर जातो म्हणून हिणवलं. दुसरा मुख्यमंत्री हेलिकॉप्टरने जाणारा दाखवा आणि बक्षिस मिळवा असं म्हटले. मी तर म्हणतो मागचे मुख्यमंत्री कधी घराबाहेर पडले हे दाखवा आणि बक्षिस मिळवा, असं ते म्हणाले.

तुम्ही काहीही न करता लोकांना आत टाकले, असे मुख्यमंत्री म्हणाले. हे सरकार बदलापोटी कोणतीही कारवाई करणार नाही. चर्चेत नक्षलवादाच्या संदर्भात याचा उल्लेख करण्यात आला. तीन महिला नक्षलवाद्यांना अटक करण्यात आली. गृहराज्यमंत्री स्वतः पालकमंत्री आहेत. आम्ही राज्यातून नक्षलवाद संपवणार आहोत, असे ते म्हणाले.

महापुरुषांचा अवमान करणाऱ्या बाबत गांभीर्याने चर्चा

महापुरुषांचा अवमान करणाऱ्यांबाबत तुम्ही आमच्यावर टीका केली होती, असे मुख्यमंत्री म्हणाले. पण शिवाजी महाराजांच्या वंशजांकडून पुरावे कोणी मागवले. महात्मा फुले आणि सावित्रीबाई फुले यांचे तैलचित्र तुम्हाला लावता आले नाही पण आम्ही केले. बाळासाहेब ठाकरे यांचे तैलचित्र लावण्याचे कामही आम्ही केले. आम्ही मुख्यमंत्री वैद्यकीय सहायता निधीच्या माध्यमातून लोकांना मदत करत आहोत. महापुरुषांच्या अवहेलना बाबत गंभीर चर्चा झाली आहे. कायद्यात काही सुधारणा करता येतील का, याबाबत हा निर्णय घेतला जाईल.