नांदेड : मुदखेड तालुक्यातील नेवळी येथे शेतीत लिंबाच्या झाडाला दोरीने गळफास घेऊन एका युवकाने आत्महत्या केल्याची घटना ८ रोजी रात्री घडली. सुनील बालाजी नेवळे (वय २६) असे मृताचे नाव आहे.

सुनील हा दि. ७ रोजी दिवसभर आपल्या घरातील दैनंदिन कामे आटोपुन रात्री ११ वाजता नेवळी परिसरातील शेतीत जातो, असे घरी सांगून गेला. मात्र तो सकाळी परत घरी न आल्याने त्याचे वडील शेतात गेले असता त्यांना सुनीलचा मृतदेह लिंबाच्या झाडाला लटकलेल्या अवस्थेत दिसून आला. आत्महत्येचे कारण समजू शकले नाही.