मुंबई

दुग्धजन्य पदार्थ महाग होण्याची शक्यता,कर पाच टक्क्यांवर जाणार

नुकत्यात झालेल्या जीएसटीच्या ४७व्या बैठकीत काही पदार्थांवरील करसवलत मागे घेण्यात आली आहे.

प्रतिनिधी

सध्या वस्तू आणि सेवा कराच्या (जीएसटी) कक्षेबाहेर असलेले दूध तसेच दुग्धजन्य पदार्थांवरील सवलत बंद करण्याचा निर्णय जीएसटी परिषदेने घेतल्यामुळे आता दूध, दही तसेच लस्सी आणि ताक या पदार्थांसहित काही खाद्यपदार्थ आणि तृणधान्ये महाग होण्याची शक्यता निर्माण झाली आहे. गहू, तृणधान्यांचे पीठ तसेच गुळ आणि दुग्धजन्य पदार्थांवर ५ टक्के जीएसटी कर आकारण्याचा निर्णय घेण्यात आल्यामुळे लवकरच दूध, दही, लस्सी महागणार आहेत. अर्थमंत्री निर्मला सीतारामन यांच्या अध्यक्षतेखाली नुकत्यात झालेल्या जीएसटीच्या ४७व्या बैठकीत काही पदार्थांवरील करसवलत मागे घेण्यात आली आहे. “दही आणि लस्सीवरील शून्य टक्के असलेला कर आता पाच टक्क्यांवर जाण्याची शक्यता आहे. त्याचबरोबर दुग्धजन्य पदार्थांवर पाच टक्के जीएसटी लावण्यात आल्यामुळे उत्पादक कंपन्या वाढीव खर्च हा पदार्थांच्या किंमती वाढवून तो ग्राहकांकडूनच वसूल करणार आहेत. दूध कंपन्यांसाठी महसूलाच्या बाबतीत दही हा प्रमुख पदार्थ असून दही आणि लसी हे एकूण १५ ते २५ टक्के महसूल मिळवून देत आहेत, असे विश्लेषकांचे म्हणणे आहे.

ग्रँड मुफ्तींच्या प्रयत्नांना यश; निमिषा प्रियाला मोठा दिलासा, येमेन सरकारकडून फाशी तुर्तास स्थगित

पती-पत्नीचा 'सिक्रेट' कॉल पुरावा म्हणून ग्राह्य: घटस्फोट प्रकरणात सुप्रीम कोर्टाचा महत्त्वपूर्ण निकाल

वडापाव, समोसा, कचोरी म्हणजे लठ्ठपणाला आमंत्रण; आरोग्य खाते सर्वत्र फलक लावणार

Mumbai : मढमधील बेकायदा बंगल्यांच्या बांधकामांसाठी शेकडो बनावट नकाशे : ४ बड्या अधिकाऱ्यांना कोर्टाचा दणका

Mumbai : कांदिवली, मालाड विभागातील 'हे' ७ पूल धोकादायक; लवकरच होणार पुनर्बांधणी