मुंबई

मोतीबिंदूवर शस्त्रक्रिया फक्त काही सेकंदात; डोळ्यांच्या उपचारासाठी अत्याधुनिक निओ मशीन

लेझर कॉर्नियल प्रत्यारोपण करणारी ही आशियातील पहिली मशीन असून लेझर दृष्टी सुधारणारी मुंबई आणि महाराष्ट्रातील पहिली मशीन आहे

Swapnil S

मुंबई : मोतीबिंदू शस्त्रक्रिया, दृष्टीत सुधारणा, लेझर केराटोकोनस रिंग शस्त्रक्रिया आता काही सेकंदात होणार आहे. गरीब, गरजू रुग्णांना परवडणारी फेमटो झेड-८ निओ मशीन व झीमर ऑप्थॅल्मिक सिस्टिम्स एजीने काही सेकंदात उपचार होणार आहेत. स्वित्झर्लंडमध्ये तंत्रज्ञानाने तयार करण्यात आलेल्या या मशिन्समुळे डोळ्यांच्या प्रत्येक लहान-मोठ्या आजारावर यशस्वी उपचार करणे शक्य झाले आहे.

लेझर कॉर्नियल प्रत्यारोपण करणारी ही आशियातील पहिली मशीन असून लेझर दृष्टी सुधारणारी मुंबई आणि महाराष्ट्रातील पहिली मशीन आहे. अत्याधुनिक आणि दुर्मिळ पेटंट सीई मंजूर फेमटोसेकंड लेसर तंत्रज्ञानामुळे अनेक डोळ्यांच्या लेसर शस्त्रक्रिया करण्यात सक्षम आहे. या मोबाईल मशीनच्या सहाय्याने मुंबई किंवा इतर कोणत्याही शहरात असलेल्या कोणत्याही रुग्णालयात रुग्णांवर यशस्वी उपचार करता येणार आहेत. विशेष म्हणजे जगभरातील विविध डोळ्यांच्या आजारांनी ग्रस्त लाखो लोकांना फायदा झाल्याचे केनिया रुग्णालयाचे डॉ. वैशाल केनिया यांनी सांगितले. डोळ्यांच्या उपचारासाठी अत्याधुनिक निओ मशीनचे उद्घाटन मुंबई भाजपचे अध्यक्ष आशिष शेलार यांच्या उपस्थितीत झाले.

झीमर ऑप्थॅल्मिक सिस्टिम्स एजीशी संलग्न केनिया आय हॉस्पिटलने प्रीमियम अत्याधुनिक फेमटोसेकंड लेसर तंत्रज्ञान असलेल्या फेमटो झेड-८ निओ मोबाइल मशीनसह नेत्र उपचार सुरू केले आहेत. आता निओ हा शब्द झीमर ऑप्थॅल्मिक सिस्टिमच्या फेमटोसेकंड लेझर झेड मालिकेत जोडला गेला आहे. फेमटो झेड सुरक्षित असून डोळ्यांच्या उपचारासाठी उपयुक्त आहे, असेही ते म्हणाले.

निओ मशीन डोळ्यांच्या उपचारासाठी उपयुक्त

कमीत कमी ऊतींचे नुकसान आणि रुग्णांची जलद पुनर्प्राप्ती सुनिश्चित करते.

अंतर्ज्ञानी इंटरफेस आणि अर्गोनॉमिक डिझाइनसह, सर्जनचे प्रत्येक हालचालीवर पूर्ण नियंत्रण

काही कार्ये स्वयंचलित करून, प्रक्रियेची वेळ कमी करून आणि डॉक्टरांना एका दिवसात अधिक शस्त्रक्रिया करण्यास सक्षम करून सर्जिकल वर्कफ्लो सुव्यवस्थित करते.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद