मुंबई

कंत्राटी पद्धतीवर शिक्षकांची भरती करण्यात येणार

शैक्षणिक वर्षात विद्यार्थ्यांच्या संख्येत एक लाखाने वाढ झाल्याने विद्यार्थ्यांची संख्या चार लाखांवर गेली आहे

प्रतिनिधी

पालिकेच्या शाळांतील विद्यार्थ्यांची वाढती संख्या लक्षात घेता कंत्राटी पद्धतीवर ८०० शिक्षकांची भरती करण्यात येणार आहे. मुख्याध्यापकांच्या अधिकारात थेट मुलाखत घेत ही भरती प्रक्रिया राबवण्यात येणार असल्याची माहिती पालिकेच्या शिक्षण विभागाचे सहआयुक्त अजित कुंभार यांनी दिली. ८०० शिक्षकांची भरती होणार असल्याने अन्य शिक्षकांच्या कामावरील ताण कमी होईल, असा विश्वास शिक्षकांनी व्यक्त केला.

मुंबई महापालिकेच्या १,१८० शाळा असून १० हजार शिक्षक आहेत. यंदाच्या शैक्षणिक वर्षात विद्यार्थ्यांच्या संख्येत एक लाखाने वाढ झाल्याने विद्यार्थ्यांची संख्या चार लाखांवर गेली आहे. विद्यार्थ्यांची संख्या वाढल्याने शिक्षकांची संख्या वाढवणे गरजेचे असल्याने ८०० शिक्षकांची कंत्राटी पद्धतीवर भरती करण्यात येणार आहे. या जागा भरण्याचे अधिकार शाळांच्या मुख्याध्यापकांना देण्यात आला आहे. त्यामुळे त्या-त्या विभागात शाळांच्या नोटीस बोर्डवर शिक्षकांच्या नियुक्त्यांबाबत आवाहन केले जात आहे. सोमवारपासून याची प्रक्रिया सुरू झाली असून पात्र शिक्षकांना थेट मुलाखतीद्वारे तत्काळ नियुक्ती केली जाणार आहे.

हॉटेल उद्योगावर मंदीचे सावट; शुल्क कमी न केल्यास ‘हॉटेल बंदचा’ व्यावसायिकांचा इशारा

IND vs ENG 2025 : क्रिकेटच्या पंढरीत भारताची कसोटी! लॉर्ड्स स्टेडियमवर आजपासून तिसरा सामना, मालिकेत आघाडी घेण्याचे लक्ष्य

भारतीय वंशाचे सबिह खान Apple चे नवे COO; लवकरच घेणार जेफ विल्यम्स यांची जागा

लैंगिक छळाच्या तक्रारीनंतर केलेली बदली रद्द; सहाय्यक प्राध्यापक महिलेला उच्च न्यायालयाचा दिलासा

BEST चे कंत्राटी कर्मचारी संप पुकारण्याच्या तयारीत; संपाच्या निर्णयासाठी मतदान सुरू