भाईंंदर : काशीगाव पोलीस ठाणे हद्दीतील विनय नगर भागात एका तरुणाने इमारतीच्या ८ व्या मजल्यावरील बाल्कनीतून खाली उडी मारून आत्महत्या केल्याची धक्कादायक घटना घडली आहे. प्रवीण मनिलाल नझीकाथुपरमबील असे मृत तरुणाचे नाव आहे. याप्रकरणी काशीगाव पोलीस ठाण्यात अकस्मात मृत्यूची नोंद करण्यात आली आहे.
मृत प्रवीण आपली मोटारसायकल साफ करण्यासाठी तेलाची बॉटल घेऊन घरातून बाहेर पडला होता. त्यानंतर त्याने विनय नगर, काशिगाव येथील बर्सीलोनाथ इमारतीच्या विंग - २ मधील रूम नंबर ८०५ ए च्या ८ व्या मजल्यावरील रेफ्युजी फ्लॅटच्या बाल्कनीमधून खाली उडी मारली.
प्रवीणने खाली उडी मारल्याचे पाहताच सोसायटीमधील लोकांनी तातडीने त्याच्या घरी जाऊन वडील मनिलाल यांना घटनेची माहिती दिली. त्यानंतर गंभीर जखमी झालेल्या प्रवीणला रुग्णवाहिकेने भाईंदर (पश्चिम) येथील पंडित भीमसेन जोशी सामान्य रुग्णालयात नेण्यात आले. मात्र, तेथील कर्तव्यावरील डॉक्टरांनी तपासून रात्री ९:४० च्या सुमारास त्याला मृत घोषित केले.