नवी दिल्ली : येत्या लोकसभा निवडणुकीच्या पार्श्वभूमीवर ‘इंडिया’ आघाडीत मोठ्या घडामोडी घडत आहेत. कोणत्या उमेदवाराला कुठून उमेदवारी द्यायची याची चर्चा सुरू झाली आहे. आता उत्तर प्रदेशचे माजी मुख्यमंत्री व समाजवादी पक्षाचे अध्यक्ष अखिलेश यादव यांनी ‘एक्स’वर ‘उत्तर प्रदेशात काँग्रेसला ११ जागा देण्याची परस्पर घोषणा करून टाकली.’
काँग्रेसला आम्ही ११ जागा देणार आहोत. चांगल्या आघाडीची ही सुरुवात आहे. ‘इंडिया’ची टीम व ‘पीडीए’ची रणनीती इतिहास बदलून टाकेल. उत्तर प्रदेशात सध्या काँग्रेसकडे केवळ एकच लोकसभेची जागा आहे. काँग्रेसच्या माजी अध्यक्ष सोनिया गांधी येथून निवडून आलेल्या आहेत. प. बंगालमध्ये काँग्रेस व तृणमूलमध्ये जागा वाटपावरून मतभेद समोर आले, तर पंजाबमध्ये ‘आप’ने लोकसभा निवडणूक एकट्याने लढवण्याचा निर्णय घेतला.