न्यूड फोटोशूट प्रकरणी अभिनेता रणवीर सिंगवर एफआयआर दाखल करण्यात आला आहे. एका मॅगझिनसाठी केलेल्या फोटोशूटप्रकरणी एका सामाजिक कार्यकर्त्याने चेंबूर पोलिस ठाण्यात एक दिवसापूर्वी गुन्हा दाखल केला. रणवीर सिंगविरुद्ध आयपीसीच्या कलम 292 (अश्लील किंवा कामुक साहित्याचे प्रदर्शन किंवा विक्री), 293 (अश्लील सामग्रीची विक्री आणि वितरण) आणि 509 (महिलेचा अपमान करण्याचा हेतू) अंतर्गत एफआयआर नोंदवण्यात आला आहे. याशिवाय आयटी अभिनेत्याविरोधात अनेक कलमांखाली गुन्हा दाखल करण्यात आला आहे. रणवीर सिंगविरोधात ही तक्रार एका एनजीओने सोमवारी दाखल केली होती. श्याम मंगाराम फाउंडेशन असे या संस्थेचे नाव आहे. संघटनेचे प्रतिनिधीत्व करणाऱ्या एका सामाजिक कार्यकर्त्याने मुंबईतील चेंबूर पोलिस ठाण्यात रणवीर सिंगविरोधात तक्रार दाखल केली आहे. यामध्ये रणवीर सिंग यांच्याविरोधात दाखल केलेल्या तक्रारीत संघटनेने म्हटले आहे की, आम्ही गेल्या 6 वर्षांपासून मुले आणि विधवांच्या भल्यासाठी काम करत आहोत.

गेल्या आठवड्यात आपण बॉलीवूड अभिनेता रणवीर सिंगचे अनेक नग्न फोटो व्हायरल होत असल्याचे पाहिले. ज्या पद्धतीने ही छायाचित्रे काढण्यात आली आहेत, ती पाहून कोणत्याही स्त्री किंवा पुरुषाला लाज वाटेल. यावरून त्याला ट्रोल देखील करण्यात आले होते. मात्र अनेक सेलिब्रिटींनी त्याला पाठिंबा देखिल दिला आहे. अभिनेत्याने त्याच्या न्यूड फोटोशूटला एक धाडसी पाऊल म्हटले आहे. पण यामुळे देशाची सामाजिक आणि संस्कृती बिघडते असे अनेकांनी सांगितले. रणवीर सिंगने पेपर मॅगझिनसाठी हे फोटोशूट करून घेतले. त्याचे फोटो त्याने त्याच्या इंस्टाग्राम अकाउंटवर शेअर केले आहेत.