भारत सरकारने जॅमर, नेटवर्क बूस्टर आणि रिपीटर्सच्या वैयक्तिक वापरावर बंदी घातली आहे. ई-कॉमर्स कंपन्यांनी वायरलेस जॅमर्सची विक्री न करण्याचा इशारा दूरसंचार खात्याने दिला आहे. दूरसंचार विभाग आणि दळणवळण मंत्रालयाने १ जुलै रोजी वायरलेस जॅमर आणि बूस्टर/रिपीटरच्या वैयक्तिक वापराबाबत एक सल्ला किंव मार्गदर्शकतत्व जारी केले आहे. भारत सरकारच्या परवानगीशिवाय जॅमर, जीपीएस ब्लॉकर्स किंवा इतर सिग्नल जॅमिंग उपकरणांचा वापर बेकायदेशीर असल्याचे सरकारने म्हटले आहे. त्यांच्या खाजगी खरेदी-विक्रीवरही पूर्णपणे बंदी घालण्यात आली आहे.

अॅडव्हायझरीमध्ये असेही म्हटले आहे की कोणत्याही साइट सिग्नल जॅमिंग उपकरणांवर जाहिरात करणे, विक्री करणे, वितरण करणे, आयात करणे किंवा विक्रीसाठी यादी करणे भारतात बेकायदेशीर आहे. सिग्नल बूस्टर/रिपीटर्सच्या संदर्भात, असे नमूद केले आहे की परवानाधारक दूरसंचार सेवा प्रदात्यांव्यतिरिक्त इतर कोणत्याही व्यक्ती/संस्थेद्वारे मोबाइल सिग्नल रिपीटर/बूस्टर बाळगणे, विकणे किंवा वापरणे बेकायदेशीर आहे.

सेल्युलर ऑपरेटर्स असोसिएशन ऑफ इंडियाने (COAI) सरकारच्या या निर्णयाचे स्वागत केले आहे. COAI ने म्हटले आहे की, 'सिग्नल रिपीटर्स/बूस्टरच्या स्थापनेमुळे उद्भवणाऱ्या आव्हानांचा सामना करण्यासाठी आम्ही दूरसंचार विभागाच्या सल्ल्याचे स्वागत करतो. वायरलेस टेलिग्राफी कायदा, १९३३ आणि इंडिया टेलिग्राफ कायदा, १८८५ नुसार मोबाईल सिग्नल बूस्टर (MSB) खरेदी करणे, विक्री करणे, स्थापित करणे आणि ठेवणे हा बेकायदेशीर आणि दंडनीय गुन्हा आहे हे लोकांना माहिती नाही. याचा दूरसंचार सेवांवर विपरित परिणाम होतो आणि आम्हाला आनंद आहे की भारत सरकारने देशभरातील नागरिकांना निर्दोष नेटवर्क आणि दूरसंचार अनुभव प्रदान करण्याचे महत्त्व ओळखले आहे.'