बॉलिवूड अभिनेत्री आलिया भट्टने कान्स फिल्म फेस्टिव्हल २०२६ च्या रेड कार्पेटवर आपल्या एलिगंट आणि रॉयल लूकने सर्वांचे लक्ष वेधून घेतले. तिच्या ड्रीमी कुट्यूर गाऊनची चर्चा रंगली असली तरी तिच्या गळ्यातील दुर्मिळ पिंक-कोरल नेकलेसने खऱ्या अर्थाने सगळ्यांचं लक्ष वेधलं.
लॉरिअल पॅरिसचे प्रतिनिधित्व करत आलियाने फेस्टिव्हलच्या उद्घाटन सोहळ्यात हजेरी लावली. आंतरराष्ट्रीय फॅशन कलेक्शन आणि हलक्या भारतीय ड्रेपिंग स्टाईलचा सुंदर मिलाफ तिच्या संपूर्ण लूकमध्ये पाहायला मिळाला.
१६८.२७ कॅरेटच्या नेकलेसची चर्चा
सेलिब्रिटी स्टायलिस्ट रिया कपूरने आलियाचा हा खास रेड कार्पेट लूक स्टाईल केला होता.
तिच्या पीच रंगाच्या गाऊनसोबत तिने परिधान केलेला हाय-ज्वेलरी नेकलेस संध्याकाळी सर्वाधिक चर्चेत राहिला.
या नेकलेसमध्ये १६८.२७ कॅरेटचे दुर्मिळ पिंक कोरल स्टोन्स वापरण्यात आले होते. आउटफिटच्या सॉफ्ट पीच रंगसंगतीशी जुळणाऱ्या या दागिन्यांनी संपूर्ण लूक अधिक आकर्षक बनवला.
डायमंडने वाढवली शान
या नेकलेसच्या मध्यभागी ५.५३ कॅरेटचा गोलकोंडा टाइप २ए डायमंड बसवण्यात आला होता. प्रखर तेजासाठी प्रसिद्ध असलेल्या या हिऱ्यामुळे नेकलेसची शान आणखी वाढली.
आलियाने यासोबत स्क्वेअर-कट डायमंड इअररिंग्स आणि चोपार्डचा अस्शर-कट डायमंड रिंगही परिधान केली होती.
दुपट्ट्याची झलक देणारा खास गाऊन
यंदाच्या कान्स रेड कार्पेटवरील पहिल्या उपस्थितीसाठी आलियाने डिझायनर तमारा राल्फचा खास पीच रंगाचा कस्टम फॅशन कलेक्शन गाऊन परिधान केला होता.
या गाऊनमध्ये आधुनिक प्रिन्सेस लूकसोबत भारतीय ड्रेपिंग स्टाईलची हलकी झलकही दिसून आली.
कॉर्सेट-स्टाईल गाऊनची चर्चा
स्ट्रॅपलेस गाऊनमध्ये स्कल्प्टेड कॉर्सेट-प्रेरित बोडिस, स्वीटहार्ट नेकलाइन आणि फिटेड सिल्हूट देण्यात आले होते. या डिझाइनमुळे आलियाचा संपूर्ण लूक अधिक एलिगंट दिसत होता.
दुपट्ट्यासारख्या स्टोलने वाढवली एलिगन्स
या गाऊनमधील सर्वात खास भाग म्हणजे तिच्या हातांभोवती गुंडाळण्यात आलेला शीअर फ्लोईंग स्टोल.
हलक्या शिफॉन दुपट्ट्यासारखा हा ड्रेप संपूर्ण लूकमध्ये रोमँटिक आणि जुन्या काळातील एलिगन्सची झलक देत होता.
सॉफ्ट ग्लॅम मेकअपने पूर्ण केला लूक
आलियाने ग्लोईंग स्किन, फ्लश्ड चीक्स, फेदर्ड ब्रोज, हलका शिमर आय मेकअप आणि ग्लॉसी न्यूड-पिंक लिप्स असा सॉफ्ट ग्लॅम मेकअप लूक निवडला होता.
तिच्या साइड-पार्टेड वेव्ही हेअरस्टाइलमुळे फ्रेंच रिव्हिएराच्या रेड कार्पेटवर जुन्या हॉलीवूड ग्लॅमरची झलक पाहायला मिळाली.