क्रीडा

हैदराबादची गोव्यावर ३७ धावांनी मात; अर्जुन तेंडुलकरची प्रभावी गोलंदाजी व्यर्थ

विजयासाठी १७८ धावांच्या आव्हानाचा पाठलाग करताना गोव्याचा संघ १८.५ षटकांत १४० धावांत गारद झाला.

वृत्तसंस्था

सय्यद मुश्ताक अली टी-२० स्पर्धेत हैदराबादने गोव्यावर ३७ धावांनी विजय मिळविला. अर्जुन तेंडुलकरची प्रभावी गोलंदाजी (१० धावांच्या मोबदल्यात चार विकेट‌्स) व्यर्थ ठरली.

विजयासाठी १७८ धावांच्या आव्हानाचा पाठलाग करताना गोव्याचा संघ १८.५ षटकांत १४० धावांत गारद झाला. रवी तेजाने २० धावांच्या मोबदल्यात चार विकेट‌्स मिळविले.

गोव्याने नाणेफेक जिंकून प्रथम गोलंदाजी करण्याचा निर्णय घेतला. डावाच्या तिसऱ्याच षटकातील चौथ्या चेंडूवर मास्टर ब्लास्टर सचिन तेंडुलकरचा मुलगा अर्जुन तेंडुलकरने प्रतीक रेड्डीला प्रभुदेसाईच्या हाती झेल देण्यास भाग पाडले. त्यानंतर आत्मविश्वास वाढलेल्या अर्जुनने प्रभावी गोलंदाजी करत आणखी तीन फलंदाज बाद केले. अवघ्या १० धावांच्या मोबदल्यात चार विकेट्स घेत कारकिर्दीतील सर्वोत्तम कामगिरी केली. अर्जुनने स्लॉग ओव्हर्समध्ये दोन विकेट्स घेतल्या. अर्जुनने तिलक वर्मा, प्रतीक रेड्डी, बुद्धी राहुल आणि टी. रवी तेजा यांना बाद केले. अर्जुनने आपल्या स्पेलमधील १७ चेंडू निर्धाव टाकले. आपल्या स्पेलमधील एक षटक त्याने निर्धाव देखील टाकले. ४६ चेंडूंत ६२ धावा करणाऱ्या तिलक वर्मालाही त्याने पायचीत पकडले. तिलक वर्मा हा अर्जुनचा मुंबई इंडियन्समधील सहकारी आहे. तिलक वर्माने अर्धशतकी खेळी केली. हैदराबादने २० षटकांत ६ बाद १७७ धावा केल्या. यात कर्णधार तन्मय अगरवालनेही मोठा वाटा उचलला. त्याने ४१ चेंडूंत ५५ धावा केल्या.

संकटग्रस्त बळीराजाला २,२१५ कोटींची मदत; राज्य मंत्रिमंडळाची मंजुरी

बेकायदा होर्डिंगवर कारवाईसाठी लवकरच नोडल यंत्रणा उभारणार; भोसले समितीचा अहवाल मंत्रिमंडळाने स्वीकारला

‘शहद’ऐवजी आता फक्त ‘शहाड’ स्टेशन! राज ठाकरेंच्या संतापानंतर रेल्वे प्रशासनाचा झपाट्याने निर्णय

सव्वाअकरा लाखांचे पक्षी चोरणारे अटकेत; कर्जत पोलिसांची धडाकेबाज कामगिरी

Mumbai Traffic : मुंबईत ठिकठिकाणी वाहतूककोंडी, नागरिक हैराण