नवी दिल्ली : भारतीय पुरुषांनी मंगळवारी कनिष्ठ विश्वचषक नेमबाजी स्पर्धेत तिहेरी पदकांची कमाई केली. त्याशिवाय महिलांनीही सुवर्ण व कांस्यपदकाचा वेध साधला.
स्पेनमध्ये सुरू असलेल्या या विश्वचषकात पुरुषांच्या १० मीटर रायफल प्रकारात उमामहेश मॅडिनेनीने सुवर्णपदकावर नाव कोरले. त्याने २५२.१ गुण कमावले. भारताच्याच पार्थ माने व अजय मलिक यांनी या प्रकारात रौप्य व कांस्यपदकाला गवसणी घातली. महिलांच्या १० मीटर रायफल प्रकारात इशा टाकसाळेने सुवर्णपदकाचा वेध साधला. शांभवी क्षीरसागरने कांस्यपदक प्राप्त केले. भारताने या स्पर्धेत आतापर्यंत ५ पदके जिंकली आहेत.