एक्स @Jay_Cricket12
क्रीडा

दक्षिण आफ्रिकेचा पाकिस्तानला व्हाइटवॉश

के‌शव महाराज व कगिसो रबाडा यांनी दुसऱ्या डावात प्रत्येकी ३ बळी मिळवले. त्यानंतर डेव्हिड बेडिंघमने ३० चेंडूंत नाबाद ४७ धावा फटकावल्या.

Swapnil S

केपटाऊन : के‌शव महाराज व कगिसो रबाडा यांनी दुसऱ्या डावात प्रत्येकी ३ बळी मिळवले. त्यानंतर डेव्हिड बेडिंघमने ३० चेंडूंत नाबाद ४७ धावा फटकावल्या. त्यामुळे दक्षिण आफ्रिकेने दुसऱ्या कसोटीत पाकिस्तानला १० गडी राखून धूळ चारली. याबरोबरच आफ्रिकेने मालिकेत २-० असे निर्भेळ यश संपादन केले.

या मालिकेतील पहिली कसोटी जिंकून आफ्रिकेने जागतिक कसोटी अजिंक्यपद स्पर्धेची अंतिम फेरी गाठली होती. आता जूनमध्ये त्यांच्यासमोर ऑस्ट्रेलियाचे आव्हान असेल. दुसऱ्या कसोटीच्या पहिल्या डावात ६१५ धावांचा डोंगर उभारल्यानंतर आफ्रिकेने पाकिस्तानला पहिल्या डावात १९४ धावांत गुंडाळले. त्यामुळे त्यांनी पाकिस्तानवर फॉलोऑन लादला.

दुसऱ्या डावात मग कर्णधार शान मसूदच्या १४५ धावांच्या शतकी खेळीमुळे पाकिस्तानने प्रत्युत्तर दिले. बाबर आझम (८१) व सलमान अघा (४८) यांनीही कडवी झुंज दिली. मात्र तरीही पाकिस्तानचा दुसरा डाव ४७८ धावांत आटोपला. त्यामुळे आफ्रिकेपुढे फक्त ५८ धावांचे लक्ष्य उभे ठाकले. बेडिंघमने ५ चौकार व २ षटकारांसह नाबाद ४७, तर एडीन मार्करमने नाबाद १४ धावा करून ७.१ षटकांतच आफ्रिकेचा विजय साकारला. चौथ्या दिवशीच या लढतीचा निकाल लागला.

पहिल्या डावात द्विशतक साकारणारा रायन रिकेलटन सामनावीर पुरस्काराचा मानकरी ठरला. तर दोन सामन्यांत ८० धावा करण्यासह १० बळी मिळवणारा मार्को यान्सेनला मालिकावीर पुरस्काराने गौरविण्यात आले.

Maratha Reservation : सरकारचं आंदोलनाकडे दुर्लक्ष; मनोज जरांगेंचा मोठा निर्णय, उद्यापासून पाणीही बंद, आमरण उपोषण अधिक तीव्र होणार

Maratha Reservation : ''...नाहीतर १००-२०० किमीच्या रांगा लागतील''; मनोज जरांगेंचा राज्य सरकारला इशारा

''मानाला भुकालेलं पोरगं''; मनोज जरांगे यांची राज ठाकरेंवर टीका

बोलणी फिस्कटली; आंदोलन सुरूच! मनोज जरांगे-शिंदे समिती यांच्यातील चर्चा निष्फळ, हैदराबाद गॅझेट लागू करण्यास सरकारची तत्त्वतः मंजुरी

मराठी अभिनेत्री प्रिया मराठेचे निधन; कर्करोगाशी झुंज ठरली अपयशी, वयाच्या ३८ व्या वर्षी घेतला अखेरचा श्वास