आशिया चषक क्रिकेट स्पर्धा : शफालीची पुन्हा चमक; भारतीय महिलांची अंतिम फेरीत धडक X | BCCIWomen
क्रीडा

आशिया चषक क्रिकेट स्पर्धा : शफालीची पुन्हा चमक; भारतीय महिलांची अंतिम फेरीत धडक

सलामीवीर शफाली वर्माच्या ४० चेंडूंतील धडाकेबाज ६४ धावांच्या जोरावर भारताने गुरुवारी रात्री बांगलादेशचा ४० धावांनी पराभव केला. या विजयासह भारतीय महिला संघाने आशिया चषक टी-२० क्रिकेट स्पर्धेची अंतिम फेरी गाठली आहे.

Swapnil S

दुबई : सलामीवीर शफाली वर्माच्या ४० चेंडूंतील धडाकेबाज ६४ धावांच्या जोरावर भारताने गुरुवारी रात्री बांगलादेशचा ४० धावांनी पराभव केला. या विजयासह भारतीय महिला संघाने आशिया चषक टी-२० क्रिकेट स्पर्धेची अंतिम फेरी गाठली आहे.

मंद गतीच्या खेळपट्टीवर इतर फलंदाजांना धावा करताना अडचणी येत असताना शेफालीने मैदानाभोवती उत्कृष्ट फटकेबाजी करत भारताला ५ बाद १४९ धावांपर्यंत पोहोचवले. बांगलादेशच्या क्षेत्ररक्षकांनी शेफालीचे तीन सोपे झेल सोडले, ज्याचा पुरेपूर फायदा तिने उठवला.

१५० धावांच्या लक्ष्याचा पाठलाग करताना बांगलादेशचा संघ २० षटकांत ७ बाद १०९ धावांपर्यंतच मजल मारू शकला. बांगलादेशकडून फेरदौसने १४ तर दिलारा अक्तेरने २१ धावा करत आक्रमक सुरुवात करण्याचा प्रयत्न केला, मात्र त्या दोघीही सीमारेषेजवळ बाद झाल्या. अक्तेरचा झेल क्रांती गौडने धावत जाऊन अतिशय सुरेख टिपला. भारतीय गोलंदाजांनी फिरकीला अनुकूल असलेल्या परिस्थितीचा पूर्ण फायदा घेतला. दीप्ती शर्माने २६ धावांत ३ बळी घेतले, तर श्री चरणीने १४ धावांत १ आणि प्रेमा रावतने २१ धावांत १ बळी घेत बांगलादेशला रोखले.

यापूर्वी नाणेफेक जिंकून फलंदाजी करताना भारतीय कर्णधार हरमनप्रीत कौरने २८ चेंडूंत नाबाद २४ धावा केल्या. तिने सुरुवातीला संघर्ष केल्यानंतर अखेरच्या षटकांत दोन षटकार मारले. तिसऱ्या क्रमांकावर आलेल्या प्रतीका रावलने २० आणि रिचा घोषने २१ धावांचे योगदान दिले. शेफालीने आपल्या खेळीत तीन षटकार मारताना १६० च्या स्ट्राइक रेटने फलंदाजी केली. बांगलादेशने एकूण चार झेल सोडल्यामुळे भारताला आव्हानात्मक धावसंख्या उभारता आली.

सात वेळा विजेतेपद पटकावणारा भारतीय संघ या स्पर्धेतील सर्वात यशस्वी संघ आहे. रविवारी होणाऱ्या अंतिम सामन्यात भारताची गाठ पाकिस्तान किंवा श्रीलंका यांच्यातील दुसऱ्या उपांत्य सामन्यातील विजेत्या संघाशी पडेल.

(इंग्रजी बातमी वाचण्यासाठी येथे क्लिक करा.)

दुष्काळाचे संकट गडद; आणखी चार तालुक्यांत दुष्काळ घोषित, राज्यात अन्य तालुक्यांचेही ग्राऊंड सर्वेक्षण होणार

स्मृतिदालनाचे लोकार्पण, नव्या वादाची चिन्हे; बाळासाहेबांबद्दल खरी निष्ठा, प्रेम असलेल्या व्यक्तीच्या हस्तेच लोकार्पण - उद्धव ठाकरे

आता सीसीटीव्हीचा मुद्दा ऐरणीवर; अजित पवार अपघातप्रकरणी चाैकशीची मागणी

३ हजार ४२ धरणांमध्ये ६४ टक्केच पाणी; राज्यातील स्थिती चिंताजनक; गतवर्षाच्या तुलनेत पाणीसाठ्यात २६ टक्क्यांची घट

चीनला शह देण्याचे आखाडे; बळाच्या वापराने परिस्थिती बदलण्याचा प्रयत्न करणाऱ्या एकतर्फी कृतींना ‘क्वाड’ परिषदेत विरोध