मुंबई : बदलापूर घटनेची दखल घेत, स्कूल बस मालकांनी बसमध्ये सीसीटीव्ही लावावेत तसेच बसमध्ये महिला मदतनीस नियुक्त करावेत, त्याशिवाय बस सुरू करण्यात येणार नाही, असा पवित्रा बस असोसिएशनने घेतला आहे.

शाळेत ये-जा करण्यासाठी पालक मुलांसाठी स्कूल बसची व्यवस्था करून देतात. मात्र स्कूल बसच्या सुरक्षेचा मुद्दा वारंवार चर्चेत आला आहे. विद्यार्थ्यांच्या सुरक्षेसाठी स्कूल बस असोसिएशनने आग्रही आहे. बदलापूरच्या घटनेनंतर बस मालकांनी बस चालकांना पॉस्को कायद्याची माहिती देण्यास सुरुवात केली आहे. बस मालकांनी स्कूल बसमध्ये सीसीटीव्ही लावावेत आणि त्याची तपासणी वारंवार करावी, अशा सूचना असोसिएशनने दिल्या आहेत.